تورکیه جمهور رئیسلیک باشقرمه سی باشلیغی خارجی بیر گزیته اوچون مقاله قلم گه آلدی

تورکیه جمهور رئیسلیک علاقه باشقرمه سی باشلیغی فخرالدین آلتون بوگونگی تورکیه نینگ فقط اوز چیگره سیده ایمس، منطقوی و گلوبال مقیاسده قرار بیرووچی، اوزیگه قرشی ایجاد ایتیله دیگن اویینلرنی بوزووچی و معمالرنینگ، بحرانلرنینگ ییچیمده اکتیف رول آلگن بیر اولکه ایکن لیگینی بیلدیردی.

تورکیه جمهور رئیسلیک علاقه باشقرمه سی تامانیدن بیریلگن بیاناتگه کوره، تورکیه – اتریش دوستلیک کیلیشووی نینگ 100 – ییل لیگی مناسبتی بیلن اتریش نینگ تنیقلی گزیته لریدن دی پرس اوچون "عصرنینگ میراثی: تورکیه – اتریش مناسبتلری" حقیده بیر مقاله یازگن.

آلتون انسانلرنینگ و شرفی نینگ تورکیه اوچون ازّانچه مهم ایکن لیگینی و هردایم خلق ارا پلاتفورملرده کون ترتیبی گه کیلتیرگن "عموم جهان قدریتلر" ایکن لیگینی معلوم قیلیب،

"بو توشونچه بیلن حرکت قیلینگنده 7 اکتوبردن بیری دنیانینگ کون ترتیبینی مشغول ایتگن غزه بحرانی گه تیگیشلی تورکیه نینگ تینچلیک ییچیمی اورونیشلری قاله ویرسه بیرلشگن ملتلر تشکیلاتی قانونلری دایره سیده ایککی دولتلی ییچیم نی قوللب – قوتلاوچی یانداشووی، منطقه ده دایمی تینچلیک نینگ تامین ایتیلیشی اوچون آتیلگن مهم آدیملردن سنله دی. بوگونگی تورکیه نینگ فقط اوز چیگره سیده ایمس، منطقوی و گلوبال مقیاسده قرار بیرووچی، اوزیگه قرشی ایجاد ایتیله دیگن اویینلرنی بوزووچی و معمالرنینگ، بحرانلرنینگ ییچیمده اکتیف رول آلگن بیر اولکه دیر." دیب ایتدی.

آلتون تورکیه نینگ روسیه – اوکراین بحرانی گه یانداشوویده هم منطقوی برقرارلیک و تینچلیک نینگ قوریقلنیش فکرینی مرکزگه آلیب آدیملرینی انیقلشتیرگن لیگینی افاده ایتیب شولرنی ایتدی:

"قاره دینگیزده ستراتیژیک بیر مقام گه و ناتو اعضالیگی گه ایگه بولمیش تورکیه بو بحرانده تعیین ایتووچی بیر رول آلگن دیر. انسانپرورلیک یاردم اورونیشلری، اینیقسه حبوبات کوریدوری آرقه لی عملگه آشیریلگنلر، تورکیه نینگ اوروش سبب بولگن گلوبال آذیق – اوقات خوفسیزلیگی معمالرینی کمه یتیریش خصوصیده گی لیدرلیگینی اورته گه قویگن دیر. بو اورونیشلر تورکیه نینگ منطقوی و گلوبال معمالرگه قرشی پرو اکتیف بیر یانداشوو ایچیده بولگن لیگی گه دقت تارتماقده دیر.

گلوبال تینچلیک که اکتیف حصه قوشیشی کوتیلگن ایککی اولکه اوله راق تورکیه – اتریش مناسبتلری نینگ کوچلی روشده دوام ایته جگی گه ایشانچیم کامل دیر. تورکیه، تینچلیک، برقرارلیک و همکارلیک نینگ کوچلی بیر مدافعه چیسی اوله راق یولی گه دوام ایته دی و آتیله دیگن هر آدیمده هم اولکه میز همده دنیا اوچون یخشیراق بیر کیله جک بنا قیلیش گه حصه قوشه دی. بیر عصر تولگن دوستلیگیمیزنینگ و همکارلیگیمیزنینگ کیلگوسیده هم دوام ایتیشینی آرزو قیله من."