تورکیه جمهور باشلیغی ایردوغان مهم بیانات بیردی

ایردوغان قربان بیره می مناسبتی بیلن ییتکچیسی بولگن عدالت و ترقیات حزبی تشکیلاتی گه ویدیو کنفرانس آرقه لی خطاب قیلدی

2153971
تورکیه جمهور باشلیغی ایردوغان مهم بیانات بیردی

تورکیه جمهور باشلیغی رجب طیب ایردوغان دنیانینگ اسرائیل نینگ قتل عاملری گه توسیق بولیش کیره ک لیگینی ایتدی.

جمهور باشلیغی ایردوغان قربان بیره می مناسبتی بیلن ییتکچیسی بولگن عدالت و ترقیات حزبی تشکیلاتی گه ویدیو کنفرانس آرقه لی خطاب قیلدی.

قربان بیره می نینگ اشغال آستیده گی فلسطین توپراقلریده انسانلیک اوچون اویت بیرووچی قتل عاملر یوزبیرگن بیر پیتده قوتلنگن لیگی گه دقت تارتگن ایردوغان "قیرغینچی اسرائیل باشقرووی تامانیدن پست بیر شکلده شهید ایتیلگن 38 مینگ قرداشیمیزنینگ درد و المی امت و ملت اوله راق یوراکیمیزنی کویدیرماقده. فقط مسلمانلیگیمیز ایمس عین حالده انسانلیگیمیز هم امتحان بولگن باسقیچ نی اوتکزماقده میز. غزه ده گی قتل عام نی قاره لش قرداشلیک وظیفه میز قاله ویرسه انسانلیک وظیفه میز دیر." دیب ایتدی.

جمهور باشلیغی ایردوغان "دنیا اسرئیل نینگ قانگه سوسه گن لیگی گه قرشی تدبیر آلیش، هر کونی ینگی بیر حادثه گه شاهد بولگن قتل عاملر گه توسیق بولیش گه مجبور دیر. سیاسی عمرینی اوزه یتیریش اوچون اوز وطنداشلری قاله ویرسه منطقه نی بوتونله ی الو گه تشله گن اسرائیل باش وزیری بنیامین نتانیاهو باشقرووی نینگ توخته تیلیشی نینگ شرط ایکن لیگینی هردایم ایتماقده میز." دیدی.

تورکیه اوله راق منطقه ده دایمی تینچلیک نینگ اورنه تیلیشی و قیرغین گه قول اورگنلرنینگ جواب بیریشی اوچون برچه امکانلرنی سفربر قیلگن لیکلرینی تیلگه آلدی.

جمهور باشلیغی ایردوغان فلسطین دولتینی رسمی دولت ایتیب تن آلگن اولکه لرنینگ سانی نینگ تاباره کوپه ییشی اوچون اورونگن لیکلرینی تاکییدله دی.  



علاقه لی ینگی لیکلر