تورکیه – رومانیا - بلغاریا اورته سیده کیلیشووگه قول قوییلدی

قاره دینگیزده گی ماین ریسکی گه قرشی تورکیه – رومانیا - بلغاریا اورته سیده اوزارا کیلیشووگه قول قوییلدی.

تورکیه نینگ باشچیلیگیده رومانیا - بلغاریا بیلن آلیب باریلگن " اوچ تامانلیک تشبث" دایره سیده قاره دینگیز ماین گه قرشی چاره – تدبیر فعالیت گروهی (MCM Black Sea) کیلیشوویگه قول قوییلدی.

"قاره دینگیز ماین گه قرشی چاره – تدبیر فعالیت گروهی (MCM Black Sea) کیلیشوویگه قول قوییش مراسمی "تورکیه ملی مدافعه وزیری یشر گولر، رومانیا ملی مدافعه وزیری انجیل تیلفار و بلغاریا ملی مدافعه وزیری اورینباسری اتاناس زپریانوف نینگ قتنشیشی بیلن استانبول نینگ سری ییر منطقه سیده جایلشگن قلندر قصریده بولیب اوتدی.

تورکیه ملی مدافعه وزیری یشر گولر بو جایده قیلگن صحبتیده، اوشبو کیلیشوونینگ قاره دینگیزده یولاوچیلیک امنیتی گه حصه قوشه جگینی ایتدی.

یشر "عین حالده بو تشبث نینگ اولکه لریمیز اورته سیده گی یقین همکارلیک نی کوچه یتیریشی گه و تجربه باهملشیشی گه فرصت یراته جگی گه قاله ویرسه قاره دینگیز مقیاسیده مناسبتلریمیزنی کوچه یتیریشی گه ایشانه من." دیدی.  

میلادی 2022 ییلی 24 فبروری تاریخیده باشله گن اوکراین – روسیه اوروشی جریانیده قاره دینگیزگه آقیب کیتگن ماینلر، دینگیزگه قیرغاغی بولمیش اولکه لر اوچون تهدید ایجاد ایتماقده. بو توغریده دینگیز کوچلری قومندانلیگی چاره – تدبیر آلماقده.

قوشیمچه چاره – تدبیر اوله راق تورکیه نینگ باشچیلیگیده رومانیا و بلغاریا بیلن اوچ تامانلیک فعالیت باشله تیلگندی.

اوچ اولکه هیاتلری اورته سیده گی اوچره شوولر بولیب اوتگندی.