تورکیه – رومانیا - بلغاریا اوزارا کیلیشیب آلدی

قاره دینگیزده گی ماین ریسکی گه قرشی تورکیه – رومانیا - بلغاریا اورته سیده ایرگه اوزارا کیلیشووگه قول قوییله دی.

میلادی 2022 ییلی 24 فبروری تاریخیده باشله گن اوکراین – روسیه اوروشی جریانیده قاره دینگیزگه آقیب کیتگن ماینلر، دینگیزگه قیرغاغی بولمیش اولکه لر اوچون تهدید ایجاد ایتماقده. بو توغریده دینگیز کوچلری قومندانلیگی چاره – تدبیر آلماقده.

قوشیمچه چاره – تدبیر اوله راق تورکیه نینگ باشچیلیگیده رومانیا و بلغاریا بیلن اوچ تامانلیک فعالیت باشله تیلدی.

اوچ اولکه هیاتلری اورته سیده گی اوچره شوولر یکونلندی. ایرته گه تیارلنگن متن اوستیگه استانبول ده قول قوییله دی.

"قاره دینگیز ماین گه قرشی چاره – تدبیر فعالیت گروهی کیلیشوویگه تورکیه ملی مدافعه وزیری یشر گولر، رومانیا ملی مدافعه وزیری انجیل تیلفار و بلغاریا ملی مدافعه وزیری اورینباسری اتاناس زپریانوف قول قویه دی.

بو «اوچ تامانلیک تشبث» دن مقصد فقط مدافعه عبارت. اوشبو کیلیشوو بیلن قاره دینگیزده یولاوچیلیک امنیتی گه حصه قوشگن بوله دی.

کیلیشوو بو اوچ اولکه نینگ ایچکی قانونی یوللرینی اوتگندن کیین عملی بولیب باشلنه دی.