تورکیه تشقی ایشلر وزیری نینگ غزه توغریسیده گی دیپلماتیک تشبث لری دوام ایتماقده
اوشبو دایره ده تشقی ایشلر وزیری چیت ایللیک دیپلماتلر بیلن سوزله شدی
تورکیه جمهوریتی تشقی ایشلر وزیری خاقان فیدان, تلفن آرقه لی مصر تشقی ایشلر وزیری سمیح شکری بیلن سوزله شدی.
دیپلماتیک منبع لردن آلینگن معلوماتگه کوره, صحبتده سعودی عربستان پایتختی ریاض شهریده شنبه کونی بولیب اوتگن اسلام همکارلیک تشکیلاتی و عرب اتفاقی نینگ اورتاق رهبر لر ییغیلیشیده قیلینگن قرار لرنینگ کوزه تیلیشی اوچون قنده ی قدم لرنینگ تشله نیشی نینگ ممکن ایکن لیگی توغریسیده فکر المه شیلدی.
صحبتده, ایکله وزیر نینگ, غزه گه بشری یاردم لرنینگ ییتیشتیریلیب بیریلیشی توغریسیده هم گپیرگن لیک لری معلوم قیلیندی.
عینی دمده خاقان فیدان, چین خلق جمهوریتی نینگ اورته شرق مسئله سی خاص ایلچی سی زای جون نی قبول قیلدی.
دیپلماتیک منبع لردن آلینگن معلوماتگه کوره, انقره ده تشقی ایشلر وزیرلیگیده بولیب اوتگن اوچره شووده, غزه ده گی سونگّی وضعیت و قالیویرسه فلسطین مسئله سی حقیده گپیریلرایکن, عینی دمده منطقه مقیاسیده گی مسئله لر توغریسیده هم فکر المه شیلدی.
