تورکیه نینگ سابق مجلس بناسیده مراسم بولیب اوتدی

تورکیه جمهوریتی نینگ 100 ییل لیگی مناسبتی بیلن اولکه مقیاسیده خاص پروگراملر اویوشتیریلماقده.

29 اکتوبر جمهوریت بیره می قوتلاوی اوچون اینگ مهم جایلر انقره بیلن استانبول ایتیب کوریلماقده.

اولاً جمهور باشلیغی رجب طیب ایردوغان دولت ییتکچیلری بیلن تورکیه جمهوریتی نینگ قورووچیسی مصطفی کمال آتاتورک نینگ آبده قبریگه باریب زیارت قیلدی.

جمهور باشلیغی ایردوغان اوستیده آی یولدوز بولمیش گل نی آتاتورک نینگ قبری نینگ اوستیگه قوییشی نینگ آرتیدن حرمت توختاوی و ملی مدحیه اوقیش مراسمی بولیب اوتدی.

کیین ایردوغان بیلن همراهیده گیلر میثاق ملی قلعه سیگه باردی. جمهور باشلیغی ایردوغان بو جایده آبده قبر خاص کتابی گه؛

"تورکیه نینگ تاریخده اینگ بویوک سرمایه کیریتیش حمله لرینی عملگه آشیرگن بیر باشقروو صفتیده، اتفاق شریکلریمیز و ملتیمیز بیلن بیرگه لیکده جمهوریتیمیزنینگ ایککینچی عصرینی "تورکیه عصری" بیلن رواجلنتیریش گه قرارلی میز." دیب یازدی.

کیین آبده قبری وطنداشلرنینگ زیارتی اوچون آچیلدی.

جمهور باشلیغی رجب طیب ایردوغان آبده قبرده گی مراسم نینگ آرتیدن جمهور رئیلسک مجتمعیده قوتلاوچیلرنی کوتیب آلدی.

جمهوریت اعلان قیلینگن 1 – مجلسده هم پروگرام بولیب اوتدی. بو جایده تورکیه بویوک ملت مجلس باشلیغی نعمان قورتولموش سوزگه چیقدی.

نعمان قورتولموش قیلگن صحبتیده،

"قنچه عصرلرگه ایریشیش امیدی و ایشانچی بیلن شانه به شانه بیریب اورونیش گه دوام ایته میز." دیب ایتدی.

تروکیه بویوک ملت مجلسی نینگ ایشیگید ن اولوس گه قره ب "جمهوریتیمیزنینگ 100 ییل لیگی" رسمی یوروییش مراسمی بولیب اوته دی. سولوتورک اوچاقلری آبده قبرنینگ اوستیده نمایش اوچیشلری اوتکزه دی.

ساعت 17:00 ده ایسه استانبول بوغزیده دینگیز کوچلری تاریخیده گی اینگ ییریک نمایشی اوتیش مراسمی بولیب اوته دی. اوتیش مراسمیده TCG اناطولی قاله ویرسه 100 ته کیمه اورین آله دی.

اوشبو کیمه لرگه تورک یولدوزلری و سولوتورک اوچاقلری قاله ویرسه 20 ته حربی اوچاق همراهلیک قیله دی.

جمهور باشلیغی ایردوغان اوشبو اوتیش مراسمی گه قتنشیب تورکیه وقتی بیلن ساعت 19:23 ده سوزگه چیقه دی.

شونده ی بولیب 15 جولای شهیدلر کوپریگیده 2023 درون بیلن نمایش اوتکزیله دی. استانبول بوغوزیده چیراق و فیشینگلر بیلن نمایش اوتکزیله دی.