تورکیه مدافعه وزیری ترورچیلیک که قرشی کوره ش بوییچه بیانات بیردی

تورکیه ملی مدافعه وزیری یشر گولر خونخوار تروریستلر بو جغرافیه دن یوقه لیب کیتگونچگه قدر تروریزیم گه قرشی کوره ش نینگ دوام ایته جگینی ایتدی.

مدافعه وزیری گولر گبزه تخنیک عالی بیلیم یورتی 2023 – 2024 تحصیل ییلی آچیلیش پروگرامیده قیلگن صحبتیده پایتخت انقره ده ایچکی ایشلر وزیرلیگی ایشیگیده اویوشتیریلگن ترورچیلیک هجومی گه تیگیندی.

قهرمان پولیسلرنینگ آنیده جواب بیریب 2 تروریست نی تاثیرسیز وضعیت گه کیلتیرگن لیگینی ایسله تیب،

"بو هجوم ینه بیر مرته کورستدیکی جان چیکیشگن خائین ترور تشکیلاتی سونگگی تلپسه ده دیر. خونخوار تروریست جنگریلر بو جغرافیه دن یوقه لیب کیتگونچگه قدر ترورچیلیک که قرشی کوره شیمیز قرارلی بیر شکلده دوام ایته دی." دیدی.

تورکیه اوچون منطقه ده تینچلیک و برقرارلیک نی اورنه تیش نینگ بیرینچی اورینده ایکن لیگینی تیلگه آلگن گولر،

"برچه قوشنیلریمیزنینگ چیگره لریگه حرمت قیله میز. عراق بیلن سوریه نینگ هم توپراق بوتونلیگی طرفداری میز. منطقه دن تیزده تروریستلرنی تمیزلش بیرینچی مقصدیمیزدیر." دیب ایتدی.