تورکیه تشقی ایشلر وزیری فرانسه لیک کسبداشی بیلن سوزله شدی

تورکیه جمهوریتی تشقی ایشلر وزیری خاقان فیدان, تلفن آرقه لی فرانسه لیک کسبداشی کاترین کولونا بیلن سوزله شدی.

وزیرلیک تامانیدن بیریلگن بیاناتده, فرانسه تشقی ایشلر وزیری نینگ طلبی گه بناً بولیب اوتگن اوشبو صحبتده, فیدان نینگ, سوراغی گه جواب اوله راق, شمالی قبرس تورک جمهوریتی حکومتی نینگ پیله- ییگیت لر یولی پروژه سی حقیده مخاطبی گه معلومات بیرگن لیگی بیلدیریلدی.

عینی دمده صحبتده, قاره دینگیز آرقه لی اوکراین غله سی نینگ دنیا بازار لری گه ییتیشتیریلیب بیریلیشی بوییچه تشبث توغریده هم بحث ایتیلگن لیگی معلوم قیلیندی. 

شمالی قبرس تورک جمهوریتی تشقی ایشلر وزیرلیگی, بیرلشگن ملتلر تشکیلاتی کنترولیده بولگن یشیل خط اوستیده گی پیله قیشلاغی گه شمالی قبرس تورک جمهوریتی دن ترانسپورت نی آسانلشتیریش اوچون بوتونله بشری سبب لر بیلن پیله- ییگیتلر یولی پروژه سی نینگ تیارلنگن لیگی نی بیلدیرگن ایدی.