تورکیه جمهور باشلیغی ایردوغان بیلن اسپانیا قرالی فلیپه اوزارا اوچره شوو اوتکزدی

زارزوئلا قراللیک سراییده گی اوچره شوو مطبوعاتگه یاپیق روشده بولیب اوتدی

2152350
تورکیه جمهور باشلیغی ایردوغان بیلن اسپانیا قرالی فلیپه اوزارا اوچره شوو اوتکزدی

تورکیه جمهوریتی جمهور باشلیغی رجب طیب ایردوغان، ایککی کونلیک رسمی سفر آرقه لی اسپانیاگه تشریف بیوردی.

جمهور رئیس ایردوغان تورکیه – اسپانیا 8- حکومتلرارا جلسه سی دایره سیده اسپانیا قرالی 6- فلیپه بیلن اوچره شدی.

زارزوئلا قراللیک سراییده گی اوچره شوو مطبوعاتگه یاپیق روشده بولیب اوتدی.

تورکیه جمهوریتی علاقه باشقرمه سی تامانیدن بیریلگن بیاناتگه کوره، اوچره شووده تورکیه – اسپانیا مناسبتلری، اسرائیل نینگ غزه گه قره تیلگن قتل عاملری، منطقوی و گلوبال ینگیلیکلر تیلگه آلینگن.

تورکیه – اسپانیا اورته سیده گی مناسبتلرنینگ کوچه ییب باریشی گه ایشانگن لیگینی افاده ایتگن ایردوغان اوزارا تجارت حجمی نینگ اوسیشیدن مدافعه صنایع ساحه سیده همکارلیک گچه تورلی ساحه ده آتیله دیگن آدیملرنینگ ایککی اولکه گه فایده کیریتیشی گه دقت تارتگن.

اسرائیل باشقرووی تامانیدن فلسطین توپراقلریده قول اوریلگن قیرغین پولیتیکالری نینگ تیزده یکونلنیشی کیره ک لیگینی، اسپانیانینگ بوتوغریده آتگن آدیملری قاله ویرسه فلسطین نی قوللب – قوتلشی نینگ جوده اهمیت گه سزوار ایکن لیگینی تاکییدله گن ایردوغان بو جریانده خلق ارا همجمعیت نینگ اسرائیل گه باسیم کیریتیشی نینگ منطقه ده دایمی تینچلیک یولینی آچیشی ممکن ایکن لیگینی قید ایتگن.

جمهور باشلیغی ایردوغان خوددی شو اوچره شووده قرال فلیپه نی اینگ قیسقه مدتده تورکیه گه کوتگن لیگینی ییتکیزگن.

جمهور باشلیغی ایردوغان کیین قرال 6- فلیپه تامانیدن بیریلگن اوقات پروگرامی گه قتنشگن.



علاقه لی ینگی لیکلر