حیاتینی یوقاتگن تورک صنعتکار اوچون جنازه مراسمی اویوشتیریلدی
تنیقلی صنعتکار اوزقان اوغور حیاتینی یوقاتدی
2009890
اوزاق مدتدن بیری کوره شیب یاتگن سرطان کسل لیگی طفیلی شنبه کونی 69 یاشیده وفات ایتگن اشوله چی، موسیقیدان و صنعتکار مظهر فواد اوزقان (MFÖ) گروهی نینگ اعضاسی اوزقان اوغور اوچون استانبول آتاتورک مدنیت مرکزیده جنازه مراسمی اویوشتیریلدی.
مراسم گه صنعتکارنینگ عایله سی قاله ویرسه مدنیت و توریزم وزیری محمد نوری ایرسوی بیلن بیرقطارده یقین دوستلری و یخشی کورگنلری قتنشدی.
ایرسوی مراسمده قیلگن صحبتیده قیغوسینی تیلگه آلدی.
"تورک موسیقیسی نینگ افسانه سینی بوگون آخرتگه جونته میز. موسیقیسی بیلن تلویزیون تصویرلریده و سینما پرده سیده بیزنی اوزیگه حیران قیلگن، طبیعی لیگی، کیشی لیگی بیلن مدحش بیر انسان ایدی اوزقان اوغور" دیدی.
اوزقان اوغور اوچون تقسیم مسجدیدی قیلینگن جنازه نمازی نینگ آرتیدن قاره جه احمد قبرستانلیگیده دفن قیلیندی.
