تورکیه مدافعه وزیری آقر تروریزم گه قرشی کوره ش بوییچه بیانات بیردی

تورکیه جمهوریتی ملی مدافعه وزیری خلوصی آقر سوریه نینگ شمالیده 6 ته تروریست جنگری نینگ تاثیرسیز وضعیت گه کیلتیریلگن لیگینی بیلدیردی.

آقر استانبول ده اویوشتیریلگن ترورچیلیک که قرشی کوره ش و سوریه کنفرانسیده قیلگن صحبتده بویوک و کوچلی تورکیه نینگ قاشیده گی اینگ بویوک توسیقلردن بیرته سی بولمیش تروریزم گه قرشی کوره ش نینگ قرارلیلیک بیلن دوام ایتیب تورگن لیگینی قید ایتدی.

محمدچیکلرنینگ سوریه و عراق نینگ شمالیده تروریست جنگریلر "کیریلمس" دیب اته گن جایلرگه باریب کیرگن لیگینی "چیقیلمس" دیب اته گن جایلردن چیققن لیگینی تیلگه آلگن آقر جنابلری تروریست جنگریلرنینگ اویه لرینی باشلریگه ییقیب تشلش گه دوام ایتیب تورگن لیکلرینی معلوم قیلدی.

آقر جنابلری سونگگی تروریست جنگری قالگونچگه قدر ترورچیلیک که قرشی کوره ش نینگ دوام ایته جگینی بیلدیردی.

مدافعه وزیری "محمدچیک تروریست جنگریلرنی قازگن چقور و مغاره لرگه کومیب تشله ماقده. 2015 ییلی 24 جولایدن بوگونگچه 37 مینگ 860 ته تروریست جنگری تاثیرسیز وضعیت گه کیلتیریلدی. (سوریه نینگ شمالیده) فرات قلقانی عملیاتی منطقه سیده ینه 6 ته تروریست جنگری تاثیرسیز وضعیت گه کیلتیریلدی" دیب ایتدی.  

عراق نینگ شمالیده گی تروریستلرنینگ آدرسلریگه قره ته آلیب باریلگن قطار پنجه عملیاتلری نینگ قرارلیلیک بیلن دوام ایتیب تورگن لیگینی تاکییدله دی. غارا، زپ، خارکوک، متینا، آواشین باسیان ده تروریستلرنینگ اویه لری نینگ بیرته بیرته باشلریگه ییقیب تشلنگن لیگینی ایتدی.