تورکیه ده سیلاو بولیب اوتماقده

تورکیه ده جمهوررئیسلیک و پارلمانی سیلاو لر دایره سیده رای بیریش پروسه سی, تورکیه وقتی بیلن ایرته لب ساعت 8 ده باشله دی. اوشبو پروسه کیچقرون ساعت 5 ده اداققه ییته دی. 

خوددی شوو سیلاو دایره سیده تورکیه ده 60 میلیون 697 مینگ 843 کیشی رای بیره دی. 

چیت ایللرده گی نماینده لیکلرده رای بیریش پروسه سی 9- می کونی اداققه ییتدی.  یشب تورگن اولکه لرده انیقلنگن وقت مابینیده رای بیره آلمه گن خارجده گی تورک لرنینگ بوگون تورکیه وقتی بیلن کیچقرون ساعت 5 گه قدر گمرک ایشیکلریده رای بیریشلری ممکن.

رجب طیب اردوغان, محرم اینجه, کمال قلیچداراوغلی و سنان اووان جمهوررئیسلیک اوچون کاندید بولگن ایدی.  لیکن 11- می کونی محرم اینجه بیرگن بیاناتیده کاندیدلیک دن واز کیچگن لیگینی بیلدیردی.  شونده ی قیلیب ایندی اوشبو سیلاو دایره سیده اوچ کاندید رقابت ایتماقده. 

28- پارلمانی سیلاو لر دایره سیده ایسه 24 سیاسی حزب بیلن 151 مستقل کاندید اورته سیده رقابت بوله دی. 

کاندید لردن هیچ قیسی سی نینگ جمهوررئیس بولیش اوچون کیره کلی رای میزانی گه ایگه بوله آلمس لیگی تقدیرده 28- می کونی سیلاو نینگ ایکّینچی دوری بولیب اوته دی.