تورکیه تشقی ایشلر وزیری سودان ده گی تورکیه بویوک ایلچیلیگی نینگ عاقبتی حقیده بیانات بیردی

تورکیه جمهوریتی تشقی ایشلر وزیری مولود چاووش اوغلی سودان ده 15 اپریلدن بیری دوام ایتیب تورگن توقنه شوولر طفیلی تورکیه نینگ خرطوم بویوک ایلچیلیگی پرسونلی نینگ بوگون پورت (بندر) سودان گه ییتیب بارگن لیگینی ایتدی.

چاووش اوغلی خصوصی بیر تلویزیون کانالی نینگ جانلی روشده گی پروگرامی گه مهمان بولیب کون ترتیبی بوییچه بیانات بیردی.

سودان ده گی توقنه شوولرنینگ ایندی کوچه لر ایچی اوروشی گه ایلنیب کیتگن لیگینی معلوم قیلگن چاووش اوغلی جنابلری تورکیه نینگ خرطوم بویوک ایلچی لیگی بولگن منطقه و جاده ده قتّیق توقنه شوولر یوزبیریب تورگن لیگینی افاده ایتدی.

چاووش اوغلی بویوک ایلچیلیک نی وقتینچه لیک پورت سودان گه تشیش قرارینی قبول قیلیب آلگن لیکلرینی شونده ی بولیب بویوک ایلچیلیک پرسونلی نینگ هم بوگون پورت سودان گه ییتیب بارگن لیگینی قید ایتدی.

چاووش اوغلی 6 می تاریخیده تشیش تیارگرلیگی جریانیده بویوک ایلچیلیک نینگ موتریگه قره ته اوق اوزیلگن لیگینی و موترگه انچه اوق اصابت ایتگن لیگینی ایسله تیب اوتدی.

تشقی ایشلر وزیری "ینه ده آغیر قوراللرنی هم سینه گنلر. اوچاغیمیزگه قره ته هم بیر هجوم گه قول اوریلدی. درحقیقت بیز بو جایده هیچ بیر تامان نینگ طرفدار ایمس میز. ایککی تامان هم حرمت قیله دی بیراق ایرم بیر کوچ بیزنی بو ایش نینگ ایچی گه اره لشتیرماقچی شکللی. بو جایده غربلیکلر هم بار، بیر تاماننی توتگن منطقه اولکه لری هم بار" دیب ایتدی.