جمهور باشلیغی ایردوغان ینگی قوریله دیگن اویلر توغریسیده مهم بیاناتلر بیردی

تورکیه جمهوریتی جمهوررئیسی رجب طیب ایردوغان, "(زلزله یوز بیرگن منطقه ده) 650 مینگ ینگی تورر جای قوریب بیر ییل ایچیده شهر لری میزنی قیته قوره جکلرینی قید ایتدی. 

"دنیاده بونقه بیر فلاکت نینگ اوستیدن فقط 2.5 آی اوتگنده وطنداشلرینی اوی – جای ییتکیزیب بیریش گه قادر بولگن ایریم بیر دولت، ایریم بیر  باشقروو هم یوق" دیدی.

ایردوغان, تیناون کونی تورکیه نینگ شانلی اورفا ولایتیده 897 ته آفت تورر جایی بنیاد قوییش و 659 ته اوی، 61 ته دوکان نینگ کلیدینی بیریش مراسمیده بیانات بیردی.

ایردوغان جنابلری بو جایده بیرگن بیاناتیده, مراسم ساحه سیده مدحش گاوجوم بارلیگینی معلوم قیلیب جاده لرده گی گاوجوم طفیلی اله مه اله بیر ساعتده مراسم منطقه سیگه کیلگن لیکلرینی تیلگه آلدی.

ایردوغان 6 فبروریده اولکه تاریخیده اینگ کینگ ساحه ده یوزبیرگن ییر سیلکینیشی گه دوچ قالگن لیگینی معلوم قیلدی.

جمهور باشلیغی "زلزله نینگ آرتیدن دولت و ملت اوله راق برچه امکانیتیمیزنی بو منطقه گه ییتکیزدیک. قیدیرو- قوتقرو فعالیتلری، آذیق – اوقات قاله ویرسه کییم و باش پناه و عاجل یاردم ضرورتلری، قوله گن بنا لرنینگ قالدیق لری نی تازه لش نینگ آرتیدن ایندی تورر جای لرنینگ قوریلیشی بوییچه تیارلیک لرگه هم باشله دیک" دیدی.

ییر سیلکینیشیده اولگنلرنی قیتریب کیلتیریش نینگ ممکن ایمس ایکن لیگینی بیراق یاره لرگه مرهم بولیش نینگ، مالی تلفات نی بجا کیلتیریش نینگ بویینلری نینگ بورچی ایکن لیگینی افاده ایتدی. 

جمهوررئیس ایردوغان " 319 مینگ ته سینی بیر ییلده تاپشیره دیگن شکلده، 650 مینگ ینگی تورر جای قوریب زلزله منطقه سینی اوزیگه کیلتیریب حتی بیره مده ساختمانی اداغگه ییتیب بارگن دستلبکی قیشلاق اویلرینی ایگه لریگه تسلیم بیره میز. دنیاده بونقه بیر فلاکت نینگ اوستیدن فقط 2.5 آی اوتگنده وطنداشلرینی اوی – جای ییتکیزیب بیریش گه قادر بولگن ایریم بیر دولت، ایریم بیر باشقروو هم یوق" دیدی.