اردوغان: زلزله دن کیین قوریلگن ینگی اوی لرنی رمضان بیره میده ایگه لریگه تاپشیره میز
جمهوررئیس اردوغان اوشبو مطلب نی انقره ده قیلگن معروضه سیده بیلدیردی
تورکیه جمهوریتی جمهوررئیسی رجب طیب اردوغان, رمضان بیره میده تورکیه نینگ غازی انتیپ ولایتی نور داغی و قهرمان ماراش ولایتی تورک اوغلی تومن لریده زلزله دن کیین قوریلگن دستلبکی ینگی قیشلاق اوی لرینی ایگه لریگه تاپشیره دیگن لیکلرینی معلوم قیلدی.
اردوغان, انقره ده جمهوررئیسلیک مجتمع سیده, تورکیه ده 6- فبروریده یوز بیرگن و مرکزی تورکیه نینگ قهرمان ماراش ولایتیدن عبارت بولگن زلزله لر آرتیدن یاردم اوچون منطقه گه کیتگن بلدیه لر, قیدیرو- قوتقرو تیم لری و مذکور ییرسیلکینیشی دن تاثیرلنگن کیشی لر بیلن بیر افطار دعوتیده صحبت قیلدی.
حادثه محلیده خیمه, کانتینر و تیار اوی لر قورگن لیکلرینی معلوم قیلگن اردوغان, دستلبکی کوندن بیری ملت و دولت نینگ برچه امکانیت لریدن فایده له نیب منطقه گه ییتیب بارگن لیگینی بیلدیردی.
قوله گن بنالرنینگ قالدیق لرینی تازه لش و دایمی تورر جای لرنینگ قوریلیشی بوییچه فعالیتلر نینگ جدل روشده دوام ایتیاتگن لیگینی بیلدیرگن اردوغان, ینگی اوی لرنینگ بیر ییل مابینیده قوریله دیگن لیگینی معلوم قیلدی.
اردوغان, رمضان بیره میده ایسه تورکیه نینگ غازی انتیپ ولایتی نور داغی و قهرمان ماراش ولایتی تورک اوغلی تومن لریده زلزله دن کیین قوریلگن دستلبکی ینگی قیشلاق اوی لرینی ایگه لریگه تاپشیره دیگن لیکلرینی ایسله تیب اوتدی.
