جمهوررئیس اردوغان مهم بیاناتلر بیردی

تورکیه جمهوریتی جمهوررئیسی رجب طیب اردوغان, بیرینچی هدفلری نینگ, زلزله دن تاثیرلنگن منطقه لرنینگ زودلیک بیلن قیته قوریلیشی دن عبارت ایکن لیگینی بیلدیردی. 

جمهوررئیس اردوغان, کریتر مجله سی بیلن مصاحبه قیلدی.

مرکزی تورکیه نینگ قهرمان ماراش ولایتیدن عبارت بولگن و 6- فبروری ده یوز بیرگن ییرسیلکینیش لری آرتیدن قیته قوریش ایشلری حقیده معلومات بیرگن اردوغان, زلزله یوز بیرگچ دولت نینگ برچه امکانیت لری بیلن فعالیت لری گه باشله گن لیگی و بوندن کیین هم اوشبو فعالیتلرینی دوام ایتدیره دیگن لیگینی بیلدیردی.

اوزی نینگ هم زلزله دن تاثیرلنگن شهر لرنی دواملی روشده کوریب چیقیاتگن لیگینی بیلدیرگن اردوغان, ینگی تورر جای لرنینگ تهدابی نینگ قوییلیشی بوییچه مراسملر ترتیبله گن لیکلری و همده افطار لرده اوشبو منطقه ده گی انسانلر بیلن صحبت ایتگنلرینی معلوم قیلدی. 

جمهوررئیس اردوغان, "بوندن کیین بیرینچی هدفی میز, زلزله دن تاثیرلنگن منطقه لرنینگ زودلیک بیلن قیته قوریلیشی دن عبارت.  اوشبو هدف گه نایل بولیش اوچون سعی و حرکت قیلماقده میز.  برچه ضرورت لری نینگ تامین ایتیلیشی بوییچه وطنداشلری میز نینگ یانیده میز. ینگی تورر جای لر قوررایکن, زلزله دن تاثیرلنگن شهرلریمیزده, حتی الامکان اوشبو مسکونی نقطه لرنی ساغلام جای لرده قوره میز" دییه قید ایتدی. 

توپلم 27 مینگ 949 تورر جای نینگ قوریلیش ایشلری نینگ عملاً باشله گن لیگی و حتی بعضی لری نینگ تقریباً تکمیل بولگن لیگینی ایسله تیب اوتگن اردوغان, یاز فصلی گه قدر اوشبو تورر جایلرنی قوریب بیتیره دیگن لیکلری و هدفلری نینگ 319 مینگ ته سی ایلک بیر ییلده بوله دیگن شکلده, توپلم 650 مینگ تورر جای نی قوریب, زلزله دن تاثیرلنگن منطقه ده گی کیشیلر گه تاپشیریش ایکن لیگینی بیلدیردی.