تورکیه تشقی ایشلر وزیری خلق ارا یاردم بیرووچیلر ییغینی نینگ آرتیدن مطبوعاتی کنفرانس اویوشتیردی

تورکیه جمهوریتی تشقی ایشلر وزیری مولود چاووش اوغلی 6 فبروریده گی ییر سیلکینیشی نینگ آرتیدن خلق ارا یاردم بیرووچیلر ییغینیده بیریلگن تعهدلرنینگ تورکیه نینگ اوزینی ییغیب آلیشی و قیته قوریلیش اورونیشلریگه مهم درجه ده حصه قوشه جگینی ایتدی.

چاووش اوغلی بلجیم نینگ پایتختی بروکسل ده تورکیه و سوریه ده ییر سیلکینیشی تاثیر قالدیرگنلر اوچون اویوشتیریلگن خلق ارا یاردم بیرووچیلر ییغینی نینگ آرتیدن مطبوعاتی کنفرانس اویوشتیردی.

اوشبو ییغین نینگ اویوشتیریلیشی گه باشچیلیک قیلگن اروپا کمسیونی و سویدن بیلن بیرقطارده ییغین نی قوللب – قوتله گن برچه دولت گه منتدارچیلیک بیلدیرگن چاووش اوغلی "ییغین گه 65 اولکه، 25 ته خلق ارا تشکیلات و مالی تشکیلات قتنشدی" دیدی.

چاووش اوغلی جنابلری؛

"کنفرانسده بوگون بولگنلردن تشقری 6 میلیارددن آرتیق بیر تعهد قیلیندی. تورکیه هردایم دنیانینگ قیسی بورچه گیده بولسه هم قیین وضعیتده بولگن اولکه و انسانلرگه یاردم بیرگن اولکه لردن بیرته سی بولگندیر. خوددی شو بیردملیک و همکارلیک نی اروپا بیرلیگی و خلق ارا همجمعیتدن کورگنلیگیمیز اوچون خرسند بوله میز" دیب ایتدی.

چاووش اوغلی

"ینگی تورر جایلریمیزنی ینه ده خوفسیزراق، برداشلی، ظرفیتلی، یشیل و عقللی روشده قوره میز" دیب ایتدی.

آلدینلریده اوزاق و قیین بیر جریان بارلیگینی شونده ی بولیب بونی برچه امکانیتلرنی سفربر ایتیب قرارلی بیر شکلده اوسته سیدن کیلجکلرینی تاکییدله دی تشقی ایشلر وزیری.

"یوقالگن جانلر، یوزبیرگن قیغو الملر البته کی جبران بولمه یدی. بیراق ویران بولگنلرنینگ اورنیده یخشیراق قیلیب قوره میز. بوگون بیریلگن تعهدلر اوزیمیزنی ییغیب آلیش و قیته قوریش اورونیشلریمیزگه مهم درجه ده حصه قوشه دی" دیب گپیردی.