تورکیه - روسیه تشقی ایشلر وزیرلری اوزارا اوچره شوو اوتکزدی

تورکیه تشقی ایشلر وزیری مولود چاووش اوغلی روسیه تشقی ایشلر وزیری سرگی لاوروف بیلن اوچره شوو اوتکزدی.

تشقی ایشلر وزیری چاووش اوغلی تویتر آدرسی آرقه لی بیرگن بیاناتده جی 20 جلسه سی دایره سیده هندوستان نینگ پایتختی ینگی دهلیده روس کسبداشی لاوروف بیلن اوچره شگن لیگینی بیلدیردی.

چاووش اوغلی

"ییر سیلکینیشیده قیلگن یاردملری طفیلی منتدارچیلیک بیلدیردیک. منطقه میزده گی سونگگی ینگیلیکلرنی تیلگه آلدیک." دیب ایتدی.

شونده ی بولیب تورکیه تشقی ایشلر وزیری مولود چاووش اوغلی هندوستان تشقی ایشلر وزیری سوبرامانیام جایشانکار بیلن اوچره شدی.

چاووش اوغلی "جی20 تشقی ایشلر وزیرلری جلسه سی دایره سیده ینگی دهلی گه کیلدیک. دستلبکی اوچره شوونی هندلیک کسبداشیم بیلن اوتکزدیک. دوست اوپراسیونی آتی بیلن اولکه میزگه بیرگن یاردم و کمکلری اوچون منتدارچیلیک بیلدیردیک" دیب ایتدی.

چاووش اوغلی جی20 هندوستان دور باشقرمه لیگی دایره سیده 1-2 مارچ تاریخلریده هندوستانده بولیب اوته یاتگن جی20 تشقی ایشلر وزیرلری جلسه سی اوچون هندوستانگه بارگندی.

خوددی شو جلسه ده انسانی یاردملر، آفت یاردملری، آذیق – اوقات، انرژی خوفسیزلیگی، تروریزم گه قرشی کوره ش و رواجلنیش بیلن بیر قطارده گلوبال کون ترتیبیده تیپه ده بولگن موضوعلر بوییچه فکر المه شووی عملگه آشیریلیشی کوتیلماقده.