زلزله ده قوله گن بنا نینگ آستیدن 201 ساعت کیین تیریک چیقاریلدی

تورکیه نینگ قهرمان ماراش ولایتی دول قدیر اوغلی تومنیده زلزله ده قوله گن بنا نینگ آستیدن 198 ساعت کیین ایکّی کیشی تیریک چیقاریلدی.

اوشبو کیشی لرنینگ اکه اوکه ایکن لیکلری بیلدیریلدی. 

قیدیرو- قوتقرو تیم لری آلدین 17 یاشلی محمد انس ینی نار, سونگره ایسه اکه سی 21 یاشلی باقی ینی نار نی زلزله ده قوله گن بنا نینگ آستیدن 198 ساعت کیین تیریک چیقاردی. 

تورکیه نینگ آدی یمان ولایتیده هم 18 یاشلی محمد جعفر چتین, قوله گن بنا نینگ آستیدن 198 ساعت کیین تیریک چیقاریلدی. 

تورکیه نینگ هتای ولایتیده 26 یاشلی امینه آق گل ایسه, ییر قیمیرلش حادثه سیده قوله گن بنا نینگ آستیدن 201 ساعت سونگ تیریک چیقاریلیب کسلخانه گه انتقال ایتدیریلدی. 

جاری آی نینگ 6- کونیده یوز بیرگن و 10 ولایت نینگ تاثیرلنگن 7,7 و 7,6 ریشترلیک ییرقیمیرلش حادثه لریده مینگلب کیشی حیاتینی یوقاتدی. 

اوشبو زلزله "عصرنینگ فلاکتی" اوله راق بهالنتیریلماقده.