تورکیه و اسرائیل تشقی ایشلر وزیرلری اوزارا سوزلشوو اوتکزدی

تورکیه تشقی ایشلر وزیری مولود چاووش اوغلی اسرائیل تشقی ایشلر وزیری ایلی کوهن بیلن تیلفون آرقه لی سوزلشدی.

"اسرائیل ملی خوفسزلیک وزیری ایتمار بن گویرنینگ مسجد اقصی گه قره ته تحریکی حرکتی نینگ قبول ایتیلمس" ایکن لیگینی تاکییدله گن.

تورکیه جمهوریتی تشقی ایشلر وزیرلیگی تامانیدن بیریلگن بیاناتگه کوره، چاووش اوغلی ینگی وظیفه سی بیلن کسبداشی کوهن نی تیلفون آرقه لی قونغراق قیلیب قوتله گن.

خوددی شو بیاناتده شو معلوماتلر بیریلدی:

"تشقی ایشلر وزیری چاووش اوغلی، کوهن گه اولکه میزنینگ فلسطین مسئله سیده گی حساسیت و کوتگنلرینی ایسله تگن، خوددی شو دایره ده اسرائیل ملی خوفسزلیک وزیری ایتمار بن گویرنینگ مسجد اقصی گه قره ته تحریکی حرکتی نینگ قبول ایتیلمس ایکن لیگینی تاکییدله گن دیر.

چاووش اوغلی جنابلری، بیز مسجد اقصی نینگ مقامی نینگ قوریقلنیشی بوییچه بیرگن اهمیت گه دقت تارتیب، هرقنده ی تحریکی حرکتلردن قول تارتیلیشی نینگ کوتگن لیگیمیزنی مخاطبی گه ییتکیزگن دیر" دییلدی.

سوزلشووده، ایککی وزیر اوزارا مناسبتلرنی کوچه یتیریش اوچون بیرگه لیکده فعالیت قیلیش توغریسیده کیلیشیب آلگن.