تورکیه - روسیه دولت رهبرلری اوزارا سوزلشوو اوتکزدی

تورکیه جمهور باشلیغی رجب طیب ایردوغان بوگون ایرته لب روسیه دولت باشلیغی ویلادیمیر پوتین بیلن تیلفون آرقه لی سوزلشدی.

جمهور رئیسلیک علاقه باشقرووی تامانیدن بیریلگن بیاناتگه کوره، بو سوزلشووده انرژی قاله ویرسه تورکیه – روسیه مناسبتلری، روسیه – اوکراین اوروشی و سوریه بیلن بیر قطارده منطقوی موضوعلر تیلگه آلینگن.

 ایردوغان جنابلری، اوشبو سوزلشووده تورکیه ده بیر طبیعی گاز مرکزی قوریلیشی بوییچه آست قوریش نی کوچه یتیرگن لیکلرینی و کوچه یتیریش گه دوام ایتگن لیکلرینی معلوم قیلیب بو توغریسیده اینگ قیسقه مدت ایچیده یول خریطه سینی اداغگه ییتکیزیب عملی آدیملرنی آتیش نی مقصد قیلیب آلگن لیکلرینی افاده ایتگن.

ایردوغان 24 فبروریدن بیری دوام ایتیب تورگن روسیه – اوکراین اوروشی بیلن تیگیشلی مذاکره لرنینگ ایجابی نتیجه بیرگن لیگینی شونده ی بولیب حبوبات و غله جات کوریدوری، اسیر المه شووی و زپروجیا نوکلر سنترالی اطرافیده گی خوفسیز منطقه اورونیشلریده اورین آلگن لیکلرینی معلوم قیلدی.

ایردوغان تینچلیک و مذاکره چقیریقلری نینگ بیر تامانلیک آتشکیسین ایتیب اعلان ایتیلیشی و عادل ییچیم غایه سی بیلن کوچه یتیریلیشینی افاده ایتدی.

جمهور باشلیغی ایردوغان، بولووچی ترور تشکیلاتی پی کاکا/وای پی جی /وای پی دی نینگ تورکیه نینگ چیگره حدودی منطقه لریدن اینیقسه تل رفات و منبجدن تمیزلنیشی اوچون انیق آدیم آتیلیشی کیره ک لیگینی تاکییدلب سوریه توغریسیده انیق نتیجه آلیش اوچون بشارالاسد رژیمی نینگ صمیمی بولیشی و سیاسی جریانده بعضی بیر آدیملرنی عملی قیلیش نینگ کیره کلی ایکن لیگینی افاده ایتگن.