ایردوغان بیلن زلنسکی اوزارا سوزلشوو اوتکزدی

جمهور باشلیغی رجب طیب ایردوغان بیلن اوکراین جمهور باشلیغی ویلادیمیر زلنسکی تیلفون آرقه لی سوزلشدی.

جمهور رئیسلیک علاقه باشقرووی تامانیدن بیریلگن بیاناتگه کوره، سوزلشووده 24 فبروریدن بیری دوام ایتیب تورگن روسیه – اوکراین اوروشیده گی ینگی لیکلر تیلگه آلینگن.

جمهور باشلیغی ایردوغان بو سوزلشووده قتّیق بولیب اوته دیگن بو قیش فصلیده اوکراین نینگ انسانی یاردم احتیاجلری نینگ تامین ایتیلیشی بوییچه اورونیشلرگه دوام ایتیب تورگن لیکلرینی ایتگن.

جمهور باشلیغی ایردوغان پایتخت انقره ده کوتیب آلینگن اوکراینلیک یتیم باله لر و همراهلریدن عبارت 1033 کیشیلیک گروپ بیلن تورموش اورتاغی امینه ایردوغان نینگ علاقه ده ایکن لیگینی معلوم قیلگن.

حبوبات کوریدوری نینگ تورلی آذیق – اوقات محصوللری بیلن کینگه یتیریش ممکن ایکن لیگینی افاده ایتگن ایردوغان جنابلری اوکراینده گی زپروجیا نوکلر سنترالی توغریسیده کیلیشوونی آرزو ایتگن لیگینی بیان ایتگن.

جمهور باشلیغی رجب طیب ایردوغان، اوکراین جمهور باشلیغی ویلادیمیر زلنسکی جی-20 جلسه سیده بیان ایتگن تینچلیک ریجه سی نینگ عملی بولیشی اوچون آلیب باریله دیگن اورونیشلر حقیده هم فکر بیلدیرگن.

ایردوغان توناون کونی روسیه دولت باشلیغی ویلادیمیر پوتین بیلن هم تیلفون آرقه لی سوزلشگندی.