تورک استخباراتی ایکّی نفر ترورچی نی اوشلب تورکیه گه کیتیردی

تورکیه جمهوریتی ملی استخبارات اداره سی, بولووچ ترور تشکیلاتی پ.ک.ک نینگ عراق نینگ شمالیده گی مخمور کمپی گه اویوشتیرگن عملیاتی نتیجه سیده خطیب گونَی بیلن سوریه لیک احمد سلیمان ناملی ایکّی نفر ترورچی نی اوشلب تورکیه گه کیتیردی. 

خوفسیزلیک منبع لری تورک استخبارات اداره سی نینگ, بولووچی ترور تشکیلاتی پ.ک.ک نینگ مرکز لری دن بیری بولگن مخمور کمپی گه عملیات اویوشتیرگن لیگی نی بیلدیردی. 

عملیاتده اوشلنگن تروریست لر گونی بیلن سلیمان تورکیه گه کیتیریلدی. 

بولووچی ترور تشکیلاتی پ.ک.ک/کا جی کا گه قوشیلیش اوچون میلادی 2019- ییلده ناقانونی روشده تورکیه نینگ وان ولایتی باش قلعه تومنی دن ایران گه اوتگن گونی نینگ, خوددی شوو ییر نینگ اوزی دن عراققه اوتیب تعلیم آلگن لیگی انیقلندی. 

کیین مخمور کمپی گه یوباریلگن گونی نینگ, آیدیولوژیک و قوراللی تعلیم آرتیدن سوزده تیم قوماندانی اوله راق فعالیت یوریتگن لیگی تثبیت ایتیلدی. 

سلیمان نینگ ایسه, بولووچی ترور تشکیلاتی پ.ک.ک/کا جی کا- پی وای دی/وای پی جی-وای پی ژی گه میلادی 2015- ییلده قوشیلگن لیگی, سوریه دن میلادی 2017- ییلده عراققه اوتیب غارا ده تعلیم آلگن لیگی, آواشین- باسیان منطقه سیده فعالیت یوریتگن لیگی, کیین ایسه میلادی 2018- ییلده مخمور کمپی گه بارگن لیگی انیقلندی.