تورکیه ده کینگ کولملی حربی عملیات آلیب باریلماقده

تورکیه نینگ شانلی اورفا ولایتی بیره جیک تومنیده گی چیگره حدودیده 22 ته تروریست جنگری تاثیرسیز وضعیت گه کیلتیریلدی.

تورکیه جمهوریتی ملی مدافعه وزیرلیگی تامانیدن بیریلگن بیاناتده شولرگه اورین بیریلدی:

"بیره جیک / شانلی اورفا حدودیده ایککی ته قهرمان قورالداشیمیز شهید بولگن تروریستیک هجوم نینگ آرتیدن منطقه ده انیقلنگن هدفلرنی اوروشگه دوام ایتماقده میز. حلی گچه 22 ته تروریست جنگری تاثیرسیز وضعیت گه کیلتیریلدی.

عملیاتلریمیز اوزلیکسیز دوام ایته دی. " دییلدی.

ملی مدافعه وزیرلیگی تامانیدن بیریلگن بیاناتده شانلی اورفا چیگره سیده تروریست جنگریلر تامانیدن اوریلگن هاوان هجومی عاقبتیده یره لنیب کسلخانه گه انتقال بیریلگن عسکرلرنینگ شهید بولگن لیگی بیلدیریلگندی.