تورکیه تشقی ایشلر وزیری چاووش اوغلی بیر قطار اوچره شوو اوتکزدی

تورکیه تشقی ایشلر وزیرلری عراق تورکمن جبهه سی باشلیغی و حماس نینگ سیاسی ییتکچیسی اوزارا سوزلشدی

تورکیه تشقی ایشلر وزیری مولود چاووش اوغلی بیلن حماس نینگ سیاسی ییتکچیسی اسماعیل هنیه تیلفون آرقه لی سوزلشوو اوتکزدی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده چاووش اوغلی بیلن هنیه نینگ اوچره شوویده اسرائیل نینگ محاصره سی آستیده گی غزه نواری گه قره ته هجوملری بیلن مسجد اقصی گه باسقین لری نینگ تیلگه آلینگن لیگی بیلدیریلدی.

شونده ی بولیب مولود چاووش اوغلی عراق تورکمن جبهه سی باشلیغی حسن توران بیلن هم تیلفون آرقه لی سوزلشدی.

مولود چاووش اوغلی تویتر آرقه لی نشر قیلگن پوستده توران بیلن سوزلشگنینی معلوم قیلیب شولرنی ایتدی:

منطقه ده گی سونگگی ینگیلیکلرگه قره گنده عراق نینگ تینچلیک و برقرارلیگی بیلن تورکمن قرداشلریمیزنینگ برقرارلیگی و تینچلیگی اوچون آتیله دیگن آدیملرنی بهالندیردیک. هردایم عراق تورکمنلری نینگ یانیده میز."