تورکیه ملی مدافعه وزیری ناتو اروپا متفق یوکسک قومندانی نی قبول قیلیب اوچره شدی

تورکیه جمهوریتی ملی مدافعه وزیری خلوصی آقر، ناتو اروپا متفق یوکسک قومندانی (SACEUR) جنرال کریستوفر کاولی نی قبول قیلیب اوچره شدی.

مطبوعاتگه یاپیق روشده بولیب اوتگن اوچره شووده تورکیه جمهوریتی قوراللی کوچلر قومندانی جنرال یشر گولر هم اورین آلدی.

شونده ی بولیب تورکیه جمهوریتی قوراللی کوچلر قومندانی جنرال یشر گولر هم ناتو اروپا متفق یوکسک قومندانی (SACEUR) جنرال کریستوفر کاولی بیلن اوچره شوو اوتکزدی.

جنرال گولر اوتگن آی نینگ باشیده اوز وظیفه سیگه باشله گن جنرال کریستوفر کاولی و همراهیده گی هیئات نی پایتخت انقره ده جایلشگن قوراللی کوچلر قومندانلیگیده حربی مراسم آرقه لی کوتیب آلدی.

مراسم نینگ آرتیدن یشر گولر بیلن کریستوفر کاولی قوراللی کوچلر قرارگاهیده اوچره شوولر اوتکزدیلر.

اوچره شووده ناتوده اینگ بویوک ایککینچی اردو وضعیتیده بولمیش تورکیه قوراللی کوچلری بیلن اتفاق اورته سیده گی مناسبتلر قاله ویرسه منطقوی و خلق ارا  سونگگی ینگی لیکلرنینگ تیلگه آلینگن لیگی بیلدیریلدی.