تورکیه سویس ده باله لر محفلیده اویوشتیریلگن هجوم نی قتّیق قاره له دی

تورکیه بولووچی ترور تشکیلاتی پی کاکا طرفدارلری تامانیدن سویس نینگ بازیل شهریده "23 اپریل خلق ارا باله لر فستیوالی" گه قره ته اویوشتیریلگن هجومنی قتّیق قاره له دی.

تورکیه جمهوریتی تشقی ایشلر وزیرلیگی تامانیدن مذکور هجوم بیلن تیگیشلی بیریلگن یازمه بیاناتده " سویس نینگ بازیل شهریده "23 اپریل خلق ارا باله لر فستیوالی" گه قره ته ترور تشکیلاتی طرفدارلری تامانیدن اویوشتیریلگن هجومنی قتّیق قاره له یمیز" دیب ایتیلگن.

بیر ترور تشکیلاتی نینگ و اونینگ هوادارلری نینگ اروپانینگ اورته سیده گی بیر باله لر بیره مینی آماج قرار بیریشی نینگ ترور تشکیلاتی نینگ پست یوزینی خلق ارا همجمعیت گه ینه بیر مرته کورستگن لیگی تاکییدلنگن بیاناتده شولرگه اورین بیریلگن:

"هجومده یره لنگن وطنداشلریمیزگه عاجل شفا تیله یمیز، بو منفور حرکت گه قول اورگنلرنی تیزلیک بیلن عدالت گه تسلیم ایتیب حق ایتگن جزانی آلیشینی کوته میز" دییلدی.

بازیلده گی محفل گه قتنشگن تورک وطنداشلری گه بولووچی ترور تشکیلاتی طرفدارلری یمان سوزلر ایتیب حقارت ایتگندی.

بولووچی ترور تشکیلاتینی مقتاوچی و تورکیه جمهوریتی جمهور باشلیغی رجب طیب ایردوغان گه قره ته یمان شعارلر بیرگن 30 اطرافیده گی کیشی کیینچه لیک فستیوالده گی تیمیر دیوالرنی ییقیب تشلب محفل قتناوچیلریگه هجوم اویوشتیرگندی.

بو حادقه عاقبتیده 6 نفر تورک وطنداشی یره لنگندی.