اردوغان: پوتین بیلن زلنسکی نینگ استانبولده اوچره شیشی ممکن
جمهوررئیس اردوغان کون ترتیبی ده گی موضوع لر بوییچه بیانات بیردی
تورکیه جمهوریتی جمهوررئیسی رجب طیب اردوغان, "(استانبولده رهبر لر ییغیلیشی) انشاءالله بو منفی وضعیت نی مثبت گه ایلنتیریش نینگ قراری نی ایکله رهبر بیلن (اوکراین جمهوررئیسی ولادیمیر زلنسکی و روسیه جمهوررئیسی ولادیمیر پوتین) عملگه آشیریشی میز تقدیرده جوده خرسند بوله میز" دییه قید ایتدی.
جمهوررئیس اردوغان, استانبولده کون ترتیبی ده گی موضوع لر حقیده بیانات بیردی.
اردوغان, "اینیقسه قیریم و دونباس مسئله سی بوییچه بیر قدم تشله نیشی اوچون رهبر لر بیلن اوچره شیب بو موضوع توغریسیده هم میزبانلیک قیلیشی میز نینگ ممکن ایکن لیگی نی بیلدیردیک" دییه قید ایتدی.
جمهوررئیس اردوغان اوز سوز لری نی, "حرمتلی زلنسکی نینگ مثبت بیر فکری بار. حرمتلی پوتین نینگ هم فکری مثبت. تاریخ نی اولر انیقله یدی. استانبولی میزده بونده ی بیر رهبر لر ییغیلیشی نینگ بولیب اوتیشی و منفی وضعیت نینگ مثبت گه ایله نیشی تقدیرده بیز هم تورکیه صفتیده جوده خرسند بوله میز" شکلیده دوام ایتتیردی.
جمهوررئیس اردوغان, قاره دینگیزده گی ماین لر بیلن علاقه لی ایسه, "حاضر بیر قیین چیلیک یوق. لیکن تدبیر لی بوله میز" دییه قید ایتدی.
