اوکرایندن اون مینگلب تورکیه وطنداشی آلیب چیقریلدی

اوکرایندن توناون کونی 181 نفر تورکیه وطنداشی آلیب چیقریلدی.

تشقی ایشلر وزیری مولود چاووش اوغلی تویتر آدرسی آرقه لی توناون کونی بیرگن بیاناتده روسیه – اوکراین اوروشی باعث کیف، لیفیف، چرنیگیف، اودسا و نیکولایفدن 181 نفر توکیه وطنداشی نینگ یولگه قوییلگن لیگینی ایتدی.

تخلیه بیلن تیگیشلی بیر گرافیک هم ترقه تگن چاووش اوغلی جنابلری اوشبو 181 کیشی نینگ بس و کیچیک بسلر آرقه لی بو شهرلردن آلیب چیقریلگن لیگینی بیلدیردی.

چاووش اوغلی "بیز آلیب چیقرگن وطنداشلریمیزنینگ سانی 15 مینگ 24 ته بولدی. آق یول تیله یمن" دیب ایتدی.

توناون کونی 19 نفرگه چیگره اوتیش یاردمی عملگه آشیرگن لیکلرینی تیلگه آلگن چاووش اوغلی اوروش نینگ باشیدن بیری 4 مینگ 952 کیشی گه چیگره دن اوتیشی بوییچه یاردم بیریلگن لیگینی قید ایتدی.