تورکیه تشقی ایش لر وزیری اوکراین لیک کسبداشی بیلن سوزله شدی
اوشبو صحبت تلفن آرقه لی بولیب اوتدی
تورکیه جمهوریتی تشقی ایش لر وزیری مولود چاووش اوغلی, تلفن آرقه لی, اوکراین تشقی ایش لر وزیری دیمیترو کولبا بیلن سوزله شدی.
تورکیه تشقی ایش لر وزیرلیگی تامانیدن بیریلگن بیاناتده, اوشبو صحبتده, اوکراین ده گی سونگگی ینگیلیک لر باره سیده بحث ایتیلگن لیگی بیلدیریلدی.
صحبتده, چاووش اوغلی, روسیه و اوکراین نینگ, عادی اهالی نینگ منطقه دن چیقاریلیشی اوچون منطقه مقیاسیده بولسه هم یول آچیلیشی بوییچه کیلیشیب آلگن لیگی باعث تورکیه نینگ خرسند بولگن لیگی نی بیلدیردی.
چاووش اوغلی, بو یوللر نینگ بیر تاماندن انسان لرنینگ منطقه دن چیقاریلیشی اوچون استفاده ایتیلرایکن, باشقه بیر تاماندن ایسه بشری یاردم لرنینگ آلیب باریلیشی نی آسانلشتیره دیگن لیگی نی معلوم قیلدی.
روسیه و اوکراین هیئت لری توناون ایککینچی مراتبه اوچره شرایکن, عادی اهالی نینگ منطقه دن چیقاریلیشی اوچون یول نینگ آچیلیشی بوییچه کیلیشیب آلگن ایدی.
