ترور تشکیلاتی پ.ک.ک اعضاسی ایککی نفر ترورچی یوق قیلیندی

سوریه ده تینچلیک بولاغی عملیاتی منطقه سیده بولووچی ترور تشکیلاتی پ.ک.ک- وای پی جی اعضاسی 2 نفر ترورچی یوق قیلیندی. 

تورکیه جمهوریتی ملی مدافعه وزیرلیگی تامانیدن بیریلگن بیاناتده, ترورچی لرنینگ تینچلیک بولاغی عملیاتی منطقه سی گه کیریش گه اینتیلگن لیگی بیلدیریلدی. 

بیاناتده, "تینچلیک بولاغی منطقه سی گه کیرماقچی بولگن پ.ک.ک- وای پی جی اعضاسی 2 نفر ترورچی, قهرمان کوماندو لری میز تامانیدن تاثیرسیز وضعیت گه کیتیریلدی" دییه قید ایتیلدی. 

عینی دمده, پ.ک.ک نی اولکه کون ترتیبی دن چیقاریش و منطقه ده موجود ایکن لیگی بیلدیریلگن ترورچی لرنینگ یوق قیلینیشی اوچون, تورکیه جمهوریتی ایچکی ایش لر وزیرلیگی تامانیدن تورکیه نینگ دیاربکر ولایتیده "اره ن قیش- 21 عملیاتی" باشله تیلدی. 

اوشبو عملیاتگه, دیاربکر ژاندارم قوماندان لیگی گه باغلیق کوماندو تیم لری دن تشکیل تاپگن 400 نفر پرسونل اشتراک ایتماقده.