روسیه دولت باشلیغی پوتین تورکیه گه تشریف بویوره دی
اوشبو تشریف جمهور باشلیغی ایردوغان نینگ چقیریغی گه بناً بولیب اوته دی
روسیه دولت باشلیغی ویلادیمیر پوتین، جمهور باشلیغی رجب طیب ایردوغان نینگ چقیریغی گه بناً تورکیه گه سفر قیلیب کیله دی.
روسیه دولت رئیسلیک (کرملین) سوزچیسی دیمیتری پسکوف پوتین نینگ جمهور باشلیغی ایردوغان نینگ چقیریغینی ممنونیت بیلن کوتیب آلگن لیگینی بیلدیردی.
پسکوف پایتخت مسکوده ژورنالیستلرگه بیرگن بیاناتده ایردوغان نینگ پوتین گه قیلگن دعوتی نینگ ایککی رهبر اورته سیده گی سوزلشووده یوزه گه چیققن لیگینی قید ایتدی.
پسکوف "هم حکومتلر ارا کمیسیونده همده ایککی رهبرنینگ باشچیلیگیده گی اوچره شوولرده بیرآز توختش یوز بیرگندی" دیدی.
پیسکوف خوددی شو اوچره شوو و پروگراملرگه جمهور باشلیغی ایردوغان نینگ تورکیه ده میزبانلیک قیلیش تکلیفینی ییتکیزگن لیگینی معلوم قیلیب؛
"پوتین جمهور باشلیغی ایردوغان نینگ چقیریغینی ممنونیت بیلن کوتیب آلدی. کوید-19 کسل لیگی و تقویملردن فرصت بولگنده بو چقیریق نینگ عملی قیلنه جگی توغریسیده کیلیشیب آلدیلر" دیب افاده ایتدی.
امریکا قوشمه ایالتلری نینگ روسیه گه توناون کونی کیچه ییتکیزگن خوفسیزلیک گرنتیلری بیلن تیگیشلی یازمه جوابی بوییچه بیانات بیرگن پسکوف پوتین نینگ خوددی شو جوابنی اوزی نینگ اوقیگنینی ایتدی.
امریکا قوشمه ایالتلری و ناتونینگ روسیه نینگ اساسی خواطرلرینی رد ایتگن لیگی گه دقت قره تگن پسکوف شولرنی ایتدی:
"شونده ی بولیب خوشبینلیک اوچون کوپ سبب یوق. امریکا قوشمه ایالتلری و ناتونینگ یازمه جوابینی تیکشیریش اوچون کینگ وقت کیره ک. شاشیلنچ نتیجه چیقرمسلیک کیره ک" دیدی.
پسکوف مسکونینگ امریکا قوشمه ایالتلری و ناتونینگ جوابلریگه همجمعیت گه آچیق روشده جواب بیریشی بیلن تیگیشلی قرار آلینمه گن لیگینی قید ایتدی.
روسیه تشقی ایشلر وزیری سرگی لاوروف ایسه امریکا قوشمه ایالتلری نینگ خوفسیزلیک موضوعلری بیلن تیگیشلی مسکوگه بیرگن جواب نینگ اولیملی ایمس ایکن لیگینی بیلدیردی.
امریکا قوشمه ایالتلری نینگ جوابی نینگ محتواسی جدی معناده دیالوگ گه رخصت بیره دی فقط ایککینچی موضوعلرده" دیب ایتگن لاوروف امریکا قوشمه ایالتلری بیرگن جواب نینگ آرتیدن آتیله دیگن آدیملرگه پوتین نینگ قرار بیره جگینی ایتدی.
