ایردوغان روسیه نینگ اوکراین گه باسیب کیریش احتمالینی یوقلیگینی قید ایتدی

جمهور باشلیغی رجب طیب ایردوغان روسیه نینگ اوکراین گه باسیب کیریش احتمالینی یوقلیگینی قید ایتدی.

آلبانیا سفری آرتیدن ژورنالیستلرنینگ سواللریگه جواب قیترگن جمهور باشلیغی ایردوغان روسیه بیلن اوکراین اورته سیده گی بحران بوییچه سوز یوروتدی.

روسیه نینگ اوکراین گه باسیب کیریش احتمالی نینگ یوقلیگینی تاکییدله گن ایردوغان جنابلری اوکراین نینگ کوچلی بیر اولکه ایکن لیگینی ایتدی.

جمهور باشلیغی ایردوغان روسیه نینگ باسیب کیریش آدیمی گه قول اوریشی اوچون دنیاده گی برچه وضعیت نی و اوزی نینگ وضعیتینی تیکشیریب چیقیشی کیره ک لیگینی افاده ایتدی.

اوکراین گه بارگن آذربایجان جمهور باشلیغی الهام علی یف بیلن سوزلشیشیدن خبر بیرگن ایردوغان روسیه دولت باشلیغی ویلادیمیر پوتین بیلن هم بو موضوعلرنی تیلگه آلیش کیره ک لیگینی قید ایتدی.

ایردوغان شونقه دوام ایتدی:

"چونکه ایندی بو منطقه لر اوروشنی قبول قیلمه یدی. بولر توغری ایمس. ایندی اوروشنی سیاست تاریخیدن کوتریب تشلش کیره ک. «مین بیر جای نینگ توپراقلریگه باسیب کیریب آله من» منطقی بیلن بولمه یدی. منه کتته مثال روسیه اوکراینده نیمه قیلدی؟ قیریم گه باسیب کیردی. قریم بیلن تیگیشلی بیز هردایم حرمتلی پوتین بیلن قیلگن صحبتلرده قیریم نینگ باسیب آلینیشی گه قرشی ایکن لیگیمیزنی ایته من. تشقی ایشلر وزیرلریمیز مخاطبلریگه بولرنی ایته دی. یعنی بو توغریده بیزنینگ سیاست انیق"

جمهور باشلیغی ایردوغان امریکا قوشمه ایالتلری نینگ، یونان نینگ شرقی اورته ییر دینگیزیده اسرائیل و قبرس روم تامانی بیلن بیرگه لیکده ریجه له گن ایاستمید پایپ لاینی پروزه سیدن قول تارتگن لیگینی هم بهالندیردی.

"بو پروزه درحقیقت بوله دیگن بیر پروژه ایمس" دیگن ایردوغان جنابلری امریکا قوشمه ایالتلری نینگ خرجت حسابلری آرقه لی اویلب بو پروژه گه اولیملی قره مه گن لیگینی ایتدی.

تورکیه بولمه توروب بونقه بیر پروژه نینگ بوله آلمس لیگینی تاکییدله دیو

ایردوغان "اگر اروپاگه گاز بارگودیک بولسه بو تورکیه آرقه لی بوله دی" دیدی.