استانبول قونلغه لری میلیونلب یولاوچی گه میزبانلیک قیلدی

استانبول قونلغه سی اوتگن ییلی اروپاده هوا یول آرقه لی سیاحت قیلگن یولاوچیلرنینگ 7 فایزی گه میزبانلیک قیلدی و 2020 ییلی گه کوره یولاوچی سانی 22 میلیون گه آشدی.

اوروپا هوا سیر و سفر خوفسیزلیگی تشکیلاتی (EUROCONTROL) تامانیدن بیریلگن معلومات گه کوره اوتگن ییل اروپا مقیاسیده ایچکی و تشقی اوچیشلریده 900 میلیون اطرافیده یولاوچی سیاحت قیلگن لیگی بیلدیریلدی.

اروپاده 2021 ییلی اوچگن برچه یولاوچیلرنینگ 7 فایزی استانبول آرقه لی سیاحت قیلگن. بیراق آلدینگی ییلی 5 فایز ایکن لیگی معلوم قیلیندی.  

اوتگن ییل استانبول نینگ قونلغه لریده ایچکی پروازلرده 26 میلیون 713 مینگ 191 ته، تشقی پروازلرده 35 میلیون 432 مینگ 79 ته بولیب توپلم 62 میلیون 145 مینگ 270 یولاوچی گه میزبانلیک قیلگن لیگی قید ایتیلدی.

استانبولده آلدینگی ییلی هوا یولی آرقه لی 40 میلیون 361 مینگ 570 کیشی سیاحت قیلرکن 2021 ییلی گه قره گنده 21 میلیون 783 مینگ 700 یولاچی گه آشیب 54 فایزگه کوتریلدی.