جمهوررئیس اردوغان مهم بیانات لر بیردی

تورکیه جمهوریتی جمهوررئیسی رجب طیب اردوغان, تورک یهودی جمعیتی و اسلام اولکه لری حاخام لر اتفاقی اعضا لری نی توناون پایتخت انقره ده جمهوررئیسلیک مجتمع سیده قبول قیلدی. 

اردوغان قبولده قیلگن معروضه سیده, "فلسطین مسئله سی بوییچه تشله نه دیگن قدم لر, فقط گینه فلسطین لیک لرنینگ ایمس بلکه اسرائیل نینگ هم خوفسیزلیک و برقرارلیگی گه حصه قوشه دی.  بیت المقدس ده برچه دینی عقیده لرنینگ حساسیت لری گه اویغون بیر ییچیم یولی نینگ تاپیلیشی نینگ ممکن ایکن لیگی گه ایشانماقده من" دییه قید ایتدی.

جمهوررئیس اردوغان, اوز سوز لری نی, "اینیقسه غربی اولکه لرده آرتیب کیتگن اسلام و یهودی لیککه دشمن لیک بیلن چیت ایللیک لر گه مخالفت گه قرشی کوره ش اوچون بیر یقه دن باش چیقاریشی میز کیره ک" شکلیده دوام ایتتیردی. 

اردوغان, معروضه سیده اوز سوز لری نی قوییده گیچه دوام ایتتیردی:

"بوندن تشقری اورته شرقده تینچلیک و برقرارلیک نینگ مستحکم لشتیریلیشی اوچون بیر یقه دن باش چیقاریشی میز کیره ک. اوچ سماوی دین نینگ مقدس جای لری گه میزبانلیک قیلیاتگن بو قدیم جغرافیه ده بحران و اوروش نینگ موجودیتی گه طرفدار ایمس میز.  تورکیه نینگ اینگ کتته آرزوسی, فرقلی دین, تیل و ملت لرنینگ تینچ بیر شکلده یشیاتگن اورته شرق دن عبارت. بیز, مسئله لر گه اورته شرق نینگ اوزاق مدتلی تینچلیک و برقرارلیگی جهتی دن بیر سیاست آلیب باریشی اوچون اسرائیل حکومتی گه هشدار بیریب کیلماقده میز. بیت المقدس داخل فلسطین مسئله سی بوییچه تشله نه دیگن قدم لر, فقط گینه فلسطین لیک لر ایمس, اسرائیل نینگ هم خوفسیزلیک و برقرارلیگی گه حصه قوشه دی. اوشبو جهت دن آلیب قره گنده اسرائیل جمهوررئیسی حرمتلی هرتسوک و باش وزیر بنت بیلن بولگن ینگی مذاکره لری میز گه اهمیت بیرماقده میز". 

اسرائیل نینگ تینچلیک نینگ اورنه تیلیشی بوییچه صمیمی سیاست آلیب باریشی نینگ وضعیت نینگ عادی له شیشی گه حصه قوشه دیگن لیگی نی بیلدیرگن اردوغان, "بیت المقدسده برچه عقیده لرنینگ حساسیت لری گه اویغون بیر ییچیم یولی نینگ تاپیله دیگن لیگی گه ایشانه من.  تورکیه بیلن اسرائیل اورته سیده گی مناسبت لر منطقه میز نینگ برقرارلیگی و خوفسیزلیگی جهتی دن حیاتی اهمیت گه ایگه" دییه قید ایتدی. 

"اوشبو توغریده اینیقسه سیزلرنینگ همکارلیگینگیز گه اهمیت بیره من" دییه قید ایتگن اردوغان, اوز سوز لری نی, "همکارلیگی میز نی رواجلنتیریش و ظرفیتی میز نی ینه ده یخشیراق بهالنتیریش گه تیارمیز.  ارتباط لرنینگ دوام ایتیشی گه اهمیت بیره من.  زیرا, بونینگ اورتاق منفعت لری میز گه اویغون ایکن لیگی نی اویله ماقده من" شکلیده دوام ایتتیردی.