ایردوغان تورکیه – اسرائیل مناسبتی حقیده بیانات بیردی

جمهور باشلیغی رجب طیب ایردوغان اسرائیل بیلن مناسبتده نورماللشوو سیگنالی بیردی.

جمهور باشلیغی ایردوغان قطر سفری نینگ آرتیدن ژورنالیستلرنینگ سواللریگه جواب قیتردی.

ایردوغان گه تورکیه بیلن بیرلشگن عرب امیرلیکلری اورته سیده ابوظبی ولیعهد شهزاده سی نینگ تورکیه گه سفر قیلیب کیلیشی بیلن بیر قطار مهم کیلیشوولرگه قول قوییلگن لیگینی ایسله تیب "بونگه اوخشش بیر جریان اسرائیل و مصر بیلن هم دوام ایتیشی ممکن می؟ دیگن سوال بیریلدی.

ایردوغان جنابلری ابوظبی باشقروویدن بونقه بیر طلب، تکلیف ییتیب کیلگن لیگی اوچون بو ایشنی ممنونیت بیلن قبول قیلگن لیکلرینی و اوچره شوولرنی استخبارات و تشقی ایشلر وزیرلیگی واسطه سی بیلن آدیم آدیم آلیب بارگن لیکلرینی تاکییدله دی.

ایردوغان "بونقه بیر جریان اسرائیل بیلن نیمه اوچون بولمه سین؟ چونکه بیز بیر تینچلیک دنیاسی ایچیده تینچلیک نینگ حاکمیتی اوچون اورونماقده میز و منطقه تینچلیگی اوچون هم بونی معقول دیب تاپه میز. اوتمیشده مین نینگ اسرائیل بیلن اوچره شوولریم بولدی. بیراق اسرائیل نینگ بو نقطه ده منطقه ده فلسطین پولیتیکاسی توغریسیده حساسراق یانداشووی کیره ک. بیت المقدس، مسجد اقصی توغریسیده حساس یانداشووی کیره ک. بو نقطه ده گی حساسیت نی کورگن تقدیرده بیز هم قولیمیزدن کیلگن نی قیله میز، آدیملریمیزنی آته میز" دیدی.

ایردوغان ایککی تامان اوزارا بویوک ایلچیلرنی قیته دن تعیین ایتیلیشی بیلن تیگیشلی سوالگه شو جوابنی بیردی:

"بولرنینگ برچه سی عملی بوله دی. بیر حساس بولگن نرسه لرنی اسرائیل تامانی بیله دی. بیز هم اسرائیل نینگ حساسیتلرینی بیله میز. بناً بو حساسیتلرگه قره ب ایشنی حل قیله میز." دیب ایتدی.