تورکیه تامانیدن افغانستان گه یاردم ییتکیزیب بیریلدی

تورکیه آچلیک و قشاقلیک تاباره کوپه ییب بارگن افغانستانده احتیاجی بولگن 1 مینگ عایله گه 2 کارتن آذیق – اوقات یاردم ایتیب بیردی.

تورک قیزیل آی افغانستان ییتکچیلریدن محفوظ الله یولداش افغانستان قیزیل آی جمغرمه سی بیلن اویوشتیریلگن مراسم آرقه لی کابل، کاپیسا، بامیان و غزنیده توپلم 1 مینگ عایله گه 2 کارتن آذیق – اوقات یاردم ایتیب بیریلگن لیگینی ایتدی.

کوپچیلیگی هزاره لردن بولگن بامیان ولایتیده توناون کونی 350 عایله گه، 28 اوکتبرده کاپیسا ولایتیده 300 عایله گه، بوکون ایرته لب ایسه غزنی ولایتیده 300 عایله گه آذیق – اوقات یاردم ایتیب بیریلگن لیگینی بیلدیرگن یولداش کیلگوسی هفته ایسه فرقلی شهرده توپلم 4 مینگ عایله گه ایتیب بیریله جگینی قید ایتدی.

افغانستانده یاز موسومیده کوپه ییب بارگن طالبان بیلن حکومت اورته سیده گی توقنه شوولر عاقبتیده مینگلب عایله اوی – جاییدن بدرغه بولیب انچه ایش جایی فعالیتدن قالیب قالرکن اولکه اقتصادی گه کتته زیان ییتیشگندی.

طالبان نینگ 15 آگستده پایتخت کابل نی کنترول ایتیب آلیشی عاقبتیده افغانستان حکومتینی اورته دن کوتریب تشلشی بیلن خلق ارا یاردم کیسیلیب قالگندی.