تورکیه مدافعه وزیری ناتو جلسه سی دایره سیده بیر قطار اوچره شوو اوتکزدی

تورکیه جمهوریتی ملی مدافعه وزیری خلوصی آقر، امریکا قوشمه ایالتلری مدافعه وزیری لوید جیمز آستین بیلن اوچره شدی.

آقر، ناتو مدافعه وزیرلری جلسه سی گه قتنشیش اوچون بارگن ناتو قرارگاهیده تورلی اوچره شوولر اوتکزدی.

اولاً انگلستان مدافعه وزیری بن والاس بیلن اوچره شگن آقر جنابلری کیین امریکا قوشمه ایالتلری مدافعه وزیری لوید جیمز آستین بیلن ملاقات قیلدی.

بو اوچره شوو ایتالیانینگ پایتختی رومده 30-31 آکتوبرده بولیب اوته دیگن جی 20 رهبرلر جلسه سی آلدی بولیب اوتیشی دقت تارتدی.    

مدافعه وزیری آقر کیین یونان مدافعه وزیری نیکولاس پاناگیوتوپولوس بیلن اوچره شدی. بو ملاقاتده تورکیه – یونان اورته سیده ایشانچ کوپه یتیرووچی چاره – تدبیرلر دایره سیده پایتخت انقره ده اوتکزیلیشی ریجه لنگن 4- جلسه اوچون یونان هیئاتی نینگ کوتیلگن لیگینی افاده ایتدی.