تورکیه تشقی ایشلر وزیری بعضی بیر تشقی ایشلر وزیرلری بیلن کابل گه سفر قیلیب باریشلریدن خبر بیردی

تورکیه جمهوریتی تشقی ایشلر وزیری مولود چاووش اوغلی، کیلگوسی جریانده بعضی بیر تشقی ایشلر وزیرلری بیلن افغانستان نینگ پایتختی کابل گه سفر قیلیب باریشلریدن خبر بیردی.

چاووش اوغلی اندونزیا تشقی ایشلر وزیری رتنو مارسودی بیلن وزیرلیکده اویوشتیریلگن مشترک مطبوعاتی کنفرانسده افغانستان موضوعی بوییچه گپیردی.

چاووش اوغلی جنابلری، افغانستانده گی وضعیت نی یقیندن تعقیب ایتیب تورگن لیکلرینی معلوم قیلیب شولرنی ایتدی:

"کیلگوسی جریانده بعضی بیر تشقی ایشلر وزیرلری بیلن افغانستان نینگ پایتختی کابل گه سفر قیلیب باریش نی ریجه له ماقده میز. رتنو بیلن بو موضوع بوییچه نیویورکده هم اوچره شگندیک. ایریم دوست و قرداش وزیرلر هم بو فکرگه قوشیلدیلر. بونی کیلگوسی جریانده ریجه له یمیز" دیب گپیردی.