اردوغان: کیلگوسی ییلده برقی لوکوموتیف ایشلب چیقریشنی باشله یمیز

تورکیه جمهوریتی جمهوررئیسی رجب طیب اردوغان, استانبولده گی اتاتورک هوا قونلغه سیده بولیب اوتگن 12- ترانسپورت و مخابرات ییغیلیشیده معروضه قیلدی. 

تورکیه ده برقی ریل سیتی نی ایشلب چیقرگن لیک لری نی بیلدیرگن اردوغان, "کیلگوسی ییلده تورکیه ده برقی لوکوموتیف ایشلب چیقریشنی باشله یمیز.  میترو, تومن لر ارا ریل و تراموا هم ایشلب چیقریش گه قادر بوله میز" دییه قید ایتدی. 

اردوغان, تورکیه ده هوا قونلغه لری سانی نی 26 دن 56 گه کوپه یتیرگن لیک لری نی بیلدیردی. 

جمهوررئیس اردوغان اوز سوز لری نی, "تقریباً 3 ییلدن بیری فعالیت یوریتیاتگن استانبول هوا قونلغه میز دنیا ده 2- و اوچیب قونگن اوچاق لر سانی جهتی دن اوروپا ده بیرینچی اوریننی ایگلله ماقده" شکلیده دوام ایتتیردی. 

تورکیه نینگ تشقی تجارتیده دینگیز یولی حصه سی نینگ 4 قوتگه آرتگن لیگی نی بیلدیرگن اردوغان, اولکه سی نی کیمه و لوکس کیمه لر ایشلب چیقریش بوییچه هم مهم بیر اورین گه ایگه قیلگن لیک لری نی معلوم قیلدی. 

جمهوررئیس اردوغان مخابرات بوییچه تشلنگن قدم لر باره سیده هم سوز یوریتدی. 

اردوغان, "انترنت, فایبر انترنت و قالیویرسه مخابرات نینگ برچه ساحه سی بوییچه اداره لری میز و خلقی گه تقدیم ایتیلیاتگن خدمت نینگ ستندرت لری نی آرتیرماقده میز.  5 جی داخل کیله جک نینگ تکنالوژی سی بوییچه تورکیه نینگ اوزیده ایشلب چیقریش میزانی نی آرتیریش گه حرکت قیلماقده میز.  وقت دن باشلب یاقیلغی گه قدر برچه ساحه لر بوییچه مفید بولگن عقللی ترانسپورت تیزیم لریدن فایده له نیش توغریسیده قرارلی میز" دییه قید ایتدی. 

اردوغان, ترانسپورت و مخابرات بوییچه سونگگی 19 ییلده 1 تریلیون تورک لیره سی سرمایه یاتقیزگن لیک لری نی بیلدیردی. 

جمهوررئیس اردوغان, "12 مینگ 893 کیلومتر تیمیر یولی نی بوتونله ی ینگیله دیک.  اولکه میزده بیرینچی مرته سرعتلی ریل تیزیمی نی قوردیک.  حاضرگی کونده هم 3500 کیلومترلیک اوزونلیککه ایگه ینگی تیمیریول لری میز نینگ قوریلیش ایش لری دوام ایتماقده" دییه قید ایتدی.