ایردوغان: تورکیه نینگ روسیه دن هوا مدافعه تیزیملرینی آلیشی ناتو اتفاقی گه ضرر ییتکیزمه یدی

جمهور باشلیغی رجب طیب ایردوغان تورکیه نینگ روسیه دن س-400 هوا مدافعه تیزیملرینی آلیشی نینگ ناتو اتفاقی گه ضرر ییتکیزگن لیگی بیلن تیگیشلی تنقیدلرنی رد ایتیب شولرنی ایتدی:

"امریکالیکلر تورکیه گه پتریئوت ساتگن بولسه ایدی س-400 لرنی آلیش گه مجبور بولیب قالمسدیک" دیدی.

امریکانینگ نیویورک تایمز گزیته سی بیرلشگن ملتلر تشکیلاتی 76- عمومی کینگشی اوچون نیویورک که بارگن جمهور باشلیغی ایردوغان بیلن آلیب بارگن مصاحبه نینگ س-400 بیلن تیگیشلی بولیمینی نشر قیلدی.

ایردوغان نینگ توناون کونی روسیه دولت باشلیغی پوتین بیلن بولگن اوچره شووی خبری اورین بیریلگن س-400 بیلن تیگیشلی مصاحبه بو بولیمده ایردوغان نینگ رواجلنگن مدافعه تیزیملرینی ساتیب آلیب غرب نینگ حربی اتفاقی ناتونینگ ایاغی نینگ تگیدن چوقور قازگن لیگی بیلن تیگیشلی تنقیدلرنی رد ایتگن لیگی افاده ایتیلدی.

خبرده جمهور باشلیغی ایردوغان نیویورک تایمز نشرات ارگانی گه بیرگن بیاناتیده هم ناتو باش منشیسی ینس ستولتنبرگ نینگ همده او پیت نینگ امریکا قوشمه ایالتلری دولت باشلیغی دونالد ترامپ نینگ تورکیه نینگ قورال تداریچیسینی سیلش حقینی تایید ایتگن لیگینی ایسله تیب؛

"اوز قوراللریمیزنی آله میز" دیب ایتدی.

عین دمده ایردوغان؛

" امریکالیکلر تورکیه گه پتریئوت ساتگن بولسه ایدی س-400 لرنی آلیش گه مجبور بولیب قالمسدیک" دیدی.

تورکیه نینگ س-400 لرنی آلیشی نینگ امریکا قوشمه ایالتلری بیلن اورته سیده معماگه یوز بیرگن لیگی گه ارزیدی می؟ دیگن سوالگه شو جوابنی بیردی.

"مینیمچه ارزیدی. مدافعه میزنی خواهله گن شکلده کوچه یتیریشیمیز ممکن" دیب جواب بیردی.

جمهور باشلیغی ایردوغان عین دمده تورکیه – امریکا قوشمه ایالتلری مناسبتلری نینگ اساسن قدریتینی قوریقله گن لیگینی معلوم قیلیب،

"تورکیه نینگ امریکا قوشمه ایالتلری بیلن اوزاق ییلردن بیری بیر باغی بار. بونی قوریقلب کوچه یتیریش کیره ک" دیب ایتدی.