اردوغان پوتین بیلن اوچره شدی

تورکیه جمهوریتی جمهوررئیسی رجب طیب اردوغان, روسیه نینگ سوچی شهریده, روسیه دولت رهبری ولادیمیر پوتین بیلن اوچره شدی.

مطبوعات گه یاپیق بولیب اوتگن اوشبو اوچره شوو 2 ساعت 45 دقیقه دوام ایتدی. 

اوچره شوو آلدی دن بیرگن بیاناتیده, تورکیه بیلن روسیه اورته سیده گی مناسبت لرنینگ فرقلی شکلده اوزی نی عکس ایتتیرگن لیگی و تجارت حجمی نینگ جوده یخشی ایکن لیگی نی بیلدیرگن اردوغان, "(تجارت حجمی نینگ) ینه ده یخشیراق بوله دیگن لیگی گه ایشانه من.  اینیقسه توریزم ساحه سی بوییچه همکارلیگینگیز اوچون (پوتین گه) منتدارچیلیک بیلدیره من" دییه قید ایتدی. 

روسیه نینگ همکارلیگی بیلن قوریلیش ایش لری دوام ایتیاتگن مرسین آققویو سنترالی بیلن علاقه لی ایسه, اردوغان, "کیلگوسی ییلده بیرینچی بولیمی نی آچیشی میز ممکن" دیدی. 

مدافعه صنایع سی بوییچه تورکیه بیلن روسیه نینگ همکارلیک لری توغریسیده اردوغان, "تورکیه- روسیه مناسبت لری نینگ کونساین کوچه ییب دوام ایتیشی جوده فایده لی بوله دی.  سوریه بیلن علاقه لی اورتاق قدم لری میز کتته اهمیت گه ایگه.  او ییرده تینچلیک نینگ اورنه تیلیشی تورکیه بیلن روسیه اورته سیده گی مناسبت لر گه باغلیق" دییه قید ایتدی. 

پوتین ایسه, "اردوغان بیلن اوچره شوو لری میز هردایم معما سیز اوتمه یدی.  لیکن اداره لر و موسسه لری میز اوز ارا کیلیشیب آله دی لر.  تورکیه روسیه ده 1,5 میلیارد دالر,  روسیه ایسه تورکیه ده 6,5 میلیارد دالر سرمایه گذارلیک قیلگن وضعیتده.  کتته پروژه لرنینگ همه سی پلانلنگن لیگی دیک دوام ایتماقده" دییه قید ایتدی. 

"قاره باغ ده گی همکارلیگی میز آتشکیسین نینگ تامین ایتیلیشی و همده کیلگوسیده قالووچی تینچلیک نینگ اورنه تیلیشیده مهم بیر عنصر" دییه قید ایتگن پوتین, اوز سوز لری نی, "خلق ارا مقیاسده تورکیه بیلن همکارلیگی میز موفقیتلی بیر شکلده دوام ایتماقده.  مقصدیم سوریه و لیبیا بیلن علاقه لی سیاست لری میزدن عبارت" شکلیده دوام ایتتیردی.