ایردوغان افغانستان نینگ ینگی باشقرووی طالبان حقیده بیانات بیردی
عین دمده تورکیه - امریکا قوشمه ایالتلری اورته سیده گی اوزارا مناسبت بوییچه هم گپیردی
جمهور باشلیغی رجب طیب ایردوغان (امریکا قوشمه ایالتلری بیلن مناسبتلرده) ایککی ناتو اولکه سی اوله راق هیچ خیرلی آلغه بارمه یاپتی" دیدی.
جمهور باشلیغی رجب طیب ایردوغان بیرلشگن ملتلر تشکیلاتی نینگ عمومی کینگشی اوچون بارگن امریکا قوشمه ایالتلری نینگ نیویورک شهریده جایلشگن تور اوییده بیانات بیردی.
"مین (آلدینگی دولت رئیسلری) اوغیل (جورچ) بوش بیلن ایشله دیم، حرمتلی (بارک) اوباما بیلن یخشیراق ایشله دیم، حرمتلی (دونالد) ترامپ بیلن هم یخشیراق ایشله دیم لیکن حرمتلی (جو) بایدن بیلن یخشی باشله دیک دیب ایته آلمه یمن" دیب ایتگن ایردوغان "آرزوم ایکی ناتو اولکه سی اوله راق بیر بیریمیزگه خصومت بیلن ایمس، دوستانه یانداشه یلیک. بیراق ایککی ناتو اولکه سی اوله راق ایشلرهیچ خیرلی آلغه بارمه یاپتی" دیب ایتدی.
"بایدن نینگ ترور تشکیلاتلریگه قورال، مهمات، واسطه تشیب بیریشی گه قره ب قالمه یمیز" دیب ایتدی.
ایردوغان جنابلری "بیزگه (روسیه دن ساتیب آلینگن راکت مدافعه تیزیملری) س-400 موضوعینی بهانه قیلیب ف-35 لرنی بیرمسلیک، دولتلرارا مناسبتلرده هم دیپلوماسیده هم اورنی یوق" دیب عکس العمل کورستیب امریکا قوشمه ایالتلرینی صمیمی یانداشمه گن لیگینی اورغوله دی.
افغانستانده باشقروونی قولگه آلگن طالبان توغریسیده ایسه "شو وقت یانداشوویگه قره گنده قوچاقلاوچی، برچه نی قبول قیلیب آلووچی متاسفانه بولمه دی" دیب گپیردی.
ایردوغان "طالبان نینگ قولیده گی قوراللرگه قره گنده بو قوراللر امریکانینگ قوراللری دیر. بناً بونی جوابینی بیریش گه مجبور بوله دی" دیب ایتدی.
