تورکیه یونان نی آگاهلنتیردی

تورکیه جمهوریتی تشقی ایش لر وزیری مولود چاووش اوغلی, یونان نینگ غربی تراکیا ده تورک لر تامانیدن سیلنگن مفتی لر گه سیاسی باسیم قیلیش نی توخته تیشی کیره ک ایکن لیگی نی بیلدیردی. 

تشقی ایش لر وزیری چاووش اوغلی اوشبو توغریده تویتر آرقه لی بیانات بیردی. 

چاووش اوغلی, بیاناتیده, غربی تراکیا تورک اقلیت لر مصلحت کینگشی نینگ باشلیغی و گومیلجینه سیلنگن مفتی سی ابراهیم شریف نینگ, "5 ییل آلدین آلان قویولیک قرداش لری میز تامانیدن ترتیب لنگن سنت مراسمی گه اشتراک قیلگن لیگی میز مقام دن منفی فایده له نیش اوله راق قبول قیلینیب, 7- اکتوبر کونی سلانیک محکمه سی گه چقیریلدیک. الله یاری میز بولسین" شکلیده گی سوز لری گه اورین اجره تدی. 

چاووش اوغلی, یونان نینگ غربی تراکیا ده تورک لر تامانیدن سیلنگن مفتی لر گه قره تیلگن باسیم سیاست لری نی توخته تیشی کیره ک ایکن لیگی نی بیلدیردی. 

مولود چاووش اوغلی, "لوزان تینچلیک معاهده سی دن (1923) کیلیب چیققن حق لری و دینی ایرکین لیک لری نینگ قورینیشی توغریسیده قرینداش لری میز نینگ یانیده میز" دییه قید ایتدی.