جمهوررئیس اردوغان تورکیه عیاللر ملی والیبال تیمی گه تبریک بیلدیردی
اردوغان اوشبو توغریده تویتر آرقه لی پیام ترقتدی
تورکیه جمهوریتی جمهوررئیسی رجب طیب اردوغان, 2021 اوروپا قهرمان لیک مسابقه لریده برنز مدال کسب ایتگن تورکیه عیاللر ملی والیبال تیمی گه تبریک بیلدیردی.
جمهوررئیس اردوغان, صربستان پایتختی بلگراد ده اوچینچی لیک مسابقه سیده هالند نی 3 گه صفر مغلوبیت گه اوچره تیب برنز مدال کسب ایتیش گه موفق بولگن ملی تیم نینگ موفقیتی سببلی, تلفن آرقه لی, تورکیه والیبال فدراسیونی باشلیغی محمد عاکف اوستونداغ و تیم باشقروسی ادا اردم دوندار بیلن سوزله شدی.
ادا بیلن بولیب اوتگن تلفنی صحبتیده برنز مدال نینگ هم مهم بیر موفقیت دن عبارت ایکن لیگی نی بیلدیرگن اردوغان, "تبریک بیلدیره من. زحمت لرینگیز مقتاو گه سزاوار. موفقیت لرینگیز نینگ دوام ایتیشی نی کوته من" دییه قید ایتدی.
اوستونداغ هم جمهوررئیس اردوغان گه منتدارچیلیک بیلدیردی.
اوستونداغ, "هردایم بیزلر گه قونغیراق قیلدینگیز. بیزنی قوللب- قوتله دینگیز. منتدارمیز" دییه قید ایتدی.
