تورکیه مطبوعاتیدن خلاصه لر 02.09.2021

حریت روزنامه سی, تورکیه جمهوریتی جمهوررئیسی رجب طیب اردوغان نینگ, توناون بیرگن بیاناتیده, تورکیه نینگ اقتصادی کوچی نینگ جاری ییل نینگ ایککینچی ربعی ده 21,7 فایز گه کوتریلیب کیتگن لیگی نی بیلدیررایکن, تورکیه نینگ دنیا ده اقتصادی کوچی اینگ تیز آرتیاتگن اولکه دن عبارت بولگن لیگی نی بیلدیرگن لیگی نی معلوم قیلماقده.  
صباح روزنامه سی, تورکیه جمهوریتی تشقی ایش لر وزیری مولود چاووش اوغلی نینگ, صربستان گه قیلگن سفری چاغیده ملی مجلس باشلیغی ایویکا داچیچ بیلن اوچره شگن لیگی نی بیلدیرماقده.  
خبرده, چاووش اوغلی نینگ, اجتماعی ترماق آرقه لی بیرگن بیاناتیده, "صربستان ملی مجلسی نینگ باشلیغی دوستیم ایویکا داچیچ بیلن اوچره شدیک.  مناسبت لری میز نینگ پارلمنتر بُعدی گه کتته اهمیت بیره میز" دییه قید ایتگن لیگی ایسله تیلماقده.  
وطن روزنامه سی, تورکیه جمهوریتی مدافعه وزیری خلوصی آقر نینگ, تورک لرنینگ افغانستان دن چیقیشی بوییچه توناون بیرگن بیاناتیده, "تورک اردوسی, حاضرگی کون گه قدر وظیفه اجرا قیلگن برچه جای لرده بولگن لیگی دیک افغانستان ده هم اجدادی و شانلی تاریخی گه اویغون بیر شکلده وظیفه لری نی موفقیت بیلن اجرا قیلیب, افغانستان خلقی نینگ کونگلی نی قازانیب و دنیا تینچ لیگی گه خدمت قیلیش افتخاری بیلن سلامت اوز اولکه سی گه قیتیب کیلدی" دییه قید ایتگن لیگی نی یازماقده.  
خبرتورک روزنامه سی, استانبول هوا قونلغه سی نینگ, هوا ترانسپورت تدقیقات لری اویوشمه سی تامانیدن 40 میلیون دن آرتیق یولاوچی انتقال ایتتیریش کتگوری سیده "اوروپا نینگ اینگ ثمره لی هوا قونلغه سی" ساورینی گه سزاوار دیب تاپیلگن لیگی نی بیلدیرماقده. 
ستار روزنامه سی, تورکیه نینگ, اوتگن ییل فایده له نه باشله گن 2 مینگ 500 میگاوات لیک هایدروالکتریک ظرفیتی بیلن دنیا ده اوشبو ساحه ده اینگ کوپ ظرفیت گه ایگه ایلک 10 اولکه آره سیده اورین ایگلله گن لیگی نی معلوم قیلماقده.  
خبرده, تورکیه نینگ هایدروالکتریک کوچی نینگ جولای آییدن باشلب ایسه 31 مینگ 436 میگاوات گه ییتگن لیگی بیلدیریلماقده.