ترور تشکیلاتی پ.ک.ک اعضاسی کمیده 9 نفر ترورچی یوق قیلیندی

سوریه ده تینچلیک بولاغی عملیاتی منطقه سیده اوق اوزگن ترورچی لرنینگ موضع لری انیق روشده اوریلیب ترور تشکیلاتی پ.ک.ک- وای پی جی اعضاسی کمیده 9 نفر ترورچی یوق قیلیندی.  

اوشبو توغریده تورکیه جمهوریتی ملی مدافعه وزیرلیگی تامانیدن تویتر آرقه لی بیانات بیریلدی. 

بیاناتده, "تینچلیک بولاغی منطقه سی گه جنوب دن اوق اوزگن ترورچی لر گه توپچی کوچ لر تامانیدن جواب قیتریلدی.  آلینگن دستلبکی معلومات لر گه کوره, ترورچی لرنینگ موضع لری انیق روشده اوریلیب ترور تشکیلاتی پ.ک.ک- وای پی جی اعضاسی کمیده 9 نفر یوق قیلیندی" دییه قید ایتیلدی. 

عینی دمده, تورکیه جمهوریتی خوفسیزلیک کوچ لری, قان توکیلیشی گه سبب بولیاتگن بولووچی ترور تشکیلاتی پ.ک.ک گه آگست آییده قتتیق ضربه اوریلدی. 

تورکیه نینگ ایچی و تشقریسیده اویوشتیریلگن عملیات لر نتیجه سیده بعضی سوزده مسئول لری داخل 212 نفر ترورچی یوق قیلیندی. 

جاری ییلده کوندیریش یولی بیلن خوفسیزلیک کوچ لری گه تسلیم بولگن ترور تشکیلاتی پ.ک.ک اعضاسی ترورچی سانی 31 – آگست دن باشلب 141 نفر گه ییتدی.