تورکیه مدافعه وزیری خلوصی آقر افغانستان توغریسیده مهم بیانات لر بیردی

تورکیه جمهوریتی ملی مدافعه وزیری خلوصی آقر, تورک حربی لرنینگ افغانستان ده اجدادی گه یره شه دیگن شکلده وظیفه سی نی اجرا قیلیب اولکه سی گه قیتیب کیلگن لیگی نی بیلدیردی. 

آقر, "تورکیه صفتیده بوندن کیین منطقه ده گی ینگیلیک لر نی کوزه تیب باره میز" دییه قید ایتدی.

تورک حربی لرنینگ, افغانستانلیک لرگه تعلیم بیریلیشی بوییچه همکارلیک قیلگن لیگی نی بیلدیرگن آقر, افغانستانده 2002- ییلدن باشلب 20 مینگ نفر تورک حربی و ملکی نینگ وظیفه اجرا قیلگن لیگی نی معلوم قیلدی. 

آقر, طالبان نینگ کابل نی قولگه کیریتیشی و ناتو نینگ اوشبو اولکه نی ترک ایتیش گه قرار قیلیشی آرتیدن کوتیلگندن تیزراق اوزگرگن شرایط نینگ, تورکیه نینگ وظیفه سی نی بهالنتیریش نی مجبوری قیلیب قویگن لیگی نی بیلدیردی.

خلوصی آقر, تیز و موثر بیر شکلده قرار قیلیب پرسونل و تورک وطنداش لری نی 48 ساعت کبی قیسقه بیر مدت مابینیده افغانستاندن چیقارگن لیک لری نی معلوم قیلدی. 

آقر, "کابل هوا قونلغه سیده گی تیغیسلیک و بحرانی وضعیت گه قره مسدن تخلیه نینگ موفقتیلی بیر شکلده بولگن لیگی تورکیه قوراللی کوچ لری نینگ کوچی نی کورسه تیب بیردی. تورک حربی لر افغانستان ده اجدادی گه یره شه دیگن شکلده وظیفه سی نی اجرا قیلیب اولکه سی گه قیتیب کیلدی. تورکیه صفتیده بوندن کیین منطقه ده گی ینگیلیکلرنی کوزه تیب باره میز" دییه قید ایتدی. 

آقر, تورک حربی لرنینگ افغانستاندن چیقیشی بوییچه همکارلیک قیلگن ناتو متفق لری, پاکستان و تاجیکستان گه منتدارچیلیک بیلدیردی.