جمهوررئیس اردوغان افغانستان توغریسیده مهم بیانات لر بیردی

تورکیه جمهوریتی جمهوررئیسی رجب طیب اردوغان, افغانستان ده گی ینگیلیک لرنی یقیندن کوزه تیاتگن لیک لری نی بیلدیردی. 

اردوغان, "طالبان نینگ دولت نی باشقریش بوییچه سیاست لری نی کوریشی میز کیره ک" دییه قید ایتدی. 

جمهوررئیس اردوغان, تورکیه نینگ 20 ییلدن بیری افغانستان بیلن همارلیک قیلیاتگن لیگی نی بیلدیردی. 

اردوغان, "تورکیه نینگ هدفی شوو؛ افغانستانده زودلیک بیلن وضعیت نینگ یخشی بولیشی کیره ک.  ایندی افغانستان خلقی بو قدر یوک نی کوتره آلمه یدی.  بیز افغانستانده اتحاد و بیرلیک نی قوللب- قوتلش گه تیار میز.  افغانستان تامانیدن هم خوددی شونده ی بیر سیاست نینگ بحث موضوعی بولیشی نی کوریشی میز نینگ اوزی ییترلی" دییه قید ایتدی. 

کابلده گی تورک ایلچی خانه سی نینگ فعالیت لری نی اوتکینچی اوله راق ایککی هفته دن بیری کابل هوا قونلغه سیده دوام ایتتیرگن لیگی نی بیلدیرگن اردوغان, ایلچی لیک پرسونلی نینگ سفارت بناسی گه قیتیب بارگن لیگی و ایندی فعالیت لری نی خوددی شوو ییرده دوام ایتتیریاتگن لیگی نی معلوم قیلدی. 

اردوغان, "حاضرگی پلانی میز بو شکلده دیپلماتیک موجودیتی میز نینگ دوام ایتتیریلیشی دن عبارت.  برچه احتمال لر گه قرشی کیره کلی الترناتیف پلان لری میز تیار.  اولویتی میز پرسونلی میز نینگ خوفسیزلیگی دن عبارت" دییه قید ایتدی.