خلوصی آقر افغانستانده گی تورک عسکر لر بیلن علاقه لی بیانات بیردی

تورکیه جمهوریتی ملی مدافعه وزیری خلوصی آقر, کابلده گی هوا قونلغه سیدن اوچاق لرنینگ اوچیشی نینگ دوام ایتیاتگن لیگی نی بیلدیررایکن, سونگگی 4 کونده 146 اوچاق نینگ اوچگن لیگی نی معلوم قیلدی. 

حاضرگی کون گه قدر هیچ قنده ی بیر هجوم نینگ بحث موضوعی بولمه گن لیگی نی بیلدیرگن آقر, "بیر جای گه توپله نیب قالگن کیشی لرنی ترقه تیش اوچون هوا گه اوق اوزیلگن لیگی سببلی فیر سیسی نینگ ایشیتیلیاتگن لیگی بیلدیریلماقده.  جان بیرگن کیشی لرنینگ ازدحام سببلی اولگن لیگی معلوم قیلینماقده" دییه قید ایتدی.   

تورک عسکر لرنینگ امنیتده ایکن لیگی و کمچیلیک سیز بیر شکلده ایش لری نی بجریاتگن لیگی نی بیلدیرگن آقر, تورک حربی لرنینگ محارب بیر وظیفه گه ایگه ایمس لیگی نی ینه بیر بار ایسله تیب اوتدی. 

آقر, کابل هوا قونلغه سی نینگ باشقریلیشی بوییچه مذاکره لر باره سیده هم سوز یوریتدی. 

آقر, "ایککی کوندن بیری مذاکره قیلرایکن, فرقلی شرط لری میز نی مطرح قیلدیک.  مخاطب لری میز گه هر قنده ی بیر کیلیشوو نینگ بولیشی تقدیرده او ییرده قاله دیگن لیگی میز نی بیلدیردیک. هوا قونلغه سی نینگ یاپیلیشی تقدیرده, افغانستان یاپیلگن بوله دی. افغان قرداش لری میز متضرر بولمه سین, بیز هم 6 ییلدن بیری فعالیت آلیب بارماقده میز.  بیز وظیفه میزنی دوام ایتتیره یلیک.  بونینگ هیچ کیمسه گه ضرری یوق.  البته که هر قنده ی بیر خطر گه دوچ کیلیشی میز تقدیرده, 24 ساعتده چیقه میز" دییه قید ایتدی.